യുപിയിലും ബിജെപിയുടെ പ്രതീക്ഷകള്‍ അസ്തമിക്കുന്നു.. ഏറിയാല്‍ 15 സീറ്റുകള്‍ വരെയേ ലഭിക്കൂ എന്ന് വിലയിരുത്തല്‍. എസ് പി - ബി എസ് പി സഖ്യം യു പി തൂത്തുവാരും.. കോണ്‍ഗ്രസിന് അൽഭുത വിജയം..
യു പിയില്‍ എസ് പി - ബി എസ് പി സഖ്യം വന്‍ മുന്നേറ്റ൦ നേടുമെന്നാണ് റിപ്പോര്‍ട്ട്. കോണ്‍ഗ്രസ് 8 സീറ്റുകള്‍ വരെ നേടിയേക്കാം എന്നും വിലയിരുത്തപ്പെടുന്നു.
യു പിയില്‍ വന്‍ നഷ്ടമുണ്ടാകുമെന്ന തിരിച്ചറിവ് ബി ജെ പി ദേശീയ നേതാക്കള്‍ക്കുമുണ്ട്. പകരം യു പിയിലെ നഷ്ടം മറ്റ്‌ സംസ്ഥാനങ്ങളില്‍ നിന്നും നികത്താമെന്നായിരുന്നു ബി ജെ പിയുടെ കണക്കുകൂട്ടല്‍.
പക്ഷെ, ലാഭം ഉണ്ടാക്കാവുന്ന ഒരു സംസ്ഥാനങ്ങളും നിലവില്‍ ബി ജെ പിയുടെ പട്ടികയിലില്ല. അതിനാല്‍ തന്നെ യു പിയിലെ നഷ്ടം കേന്ദ്രത്തിന്റെ നഷ്ടമായി മാറുമെന്ന ഭയം അമിത് ഷാ ഉള്‍പ്പെടെയുള്ള നേതാക്കള്‍ക്കുണ്ട്.
യു പിയെ നയിക്കുന്നത് സവര്‍ണ്ണ - അവര്‍ണ്ണ രാഷ്ട്രീയമാണ്. എസ് പി - ബി എസ് പി സഖ്യവും കോണ്‍ഗ്രസും ഇത്തവണ പരീക്ഷിക്കുന്നത് അതുതന്നെയാണ്.
ബി ജെ പിയുടെയും കോണ്‍ഗ്രസിന്റെയും അടിത്തറ യു പിയില്‍ സവര്‍ണ്ണ വോട്ടുകളിലാണ്. മഹാസഖ്യം അവര്‍ണ്ണ വോട്ട് ബാങ്കുകളിലും ന്യൂനപക്ഷ വോട്ടുകളിലും ശ്രദ്ധ കേന്ദ്രീകരിച്ചു.
പകരം, കോണ്‍ഗ്രസ് ഒറ്റയ്ക്ക് നീങ്ങിയതോടെ ബി ജെ പിയുടെ പ്രതീക്ഷയായ സവര്‍ണ്ണ വോട്ടുകള്‍ വിഭജിച്ചു.
കഴിഞ്ഞ തവണ ബി ജെ പി ഒറ്റയ്ക്ക് നേടിയ 282 സീറ്റുകളില്‍ 71 എണ്ണം യു പിയില്‍ നിന്നായിരുന്നു. ഇത് 15 ല്‍ താഴേയ്ക്ക് ഒതുങ്ങുമെന്ന് പറയുമ്ബോള്‍ മാത്രം ബി ജെ പിയുടെ നഷ്ടം 56 സീറ്റുകളാണ്.
ഈ കണക്കുകൂട്ടലുകള്‍ മാത്രം മതി കേന്ദ്രത്തില്‍ വീണ്ടും അധികാരത്തിലെത്തില്ലെന്ന് വിലയിരുത്താന്‍. അങ്ങനെയെങ്കില്‍ ഇന്ന് സല്‍മാന്‍ ഖുര്‍ഷിദ് പറഞ്ഞതുപോലെ കേന്ദ്രത്തില്‍ നരേന്ദ്ര മോഡിയുടെ ബാക്കിയുള്ള ദിവസങ്ങള്‍ 16 മാത്രമായിരിക്കും.
No comments