ഇന്ത്യന്‍ പ്രീമിയര്‍ ലീഗ് പന്ത്രണ്ടാം സീസണ്‍ കിരീടം മുംബൈ ഇന്ത്യന്‍സിന്. ആവേശം നിറഞ്ഞ ഫൈനലില്‍ ചെന്നൈ സൂപ്പര്‍ കിങ്സിനെ 1 റണ്‍സിന് പരാജയപ്പെടുത്തിയാണ് മുംബൈ കിരീടം സ്വന്തമാക്കിയത്. സ്ട്രൈക്ക് ബൗളര്‍ ജസ്പ്രീത് ബുംറയുടെ മാജിക്കല്‍ സ്പെല്ലാണ് മുംബൈയുടെ വിജയത്തില്‍ നിര്‍ണായകമായത്. ആദ്യം ബാറ്റ് ചെയ്ത മുംബൈ 20 ഓവറില്‍ 8 വിക്കറ്റ് നഷ്ടത്തില്‍ 149 റണ്‍സാണ് മുംബൈ നേടിയത്. 25 പന്തില്‍ 3 ബൗണ്ടറിയും 3 സിക്‌സറും ഉള്‍പ്പെടെ 41 റണ്‍സ് നേടിയ പൊള്ളാര്‍ഡിന്റെ ഭേദപ്പെട്ട പ്രകടനമാണ് മുംബൈക്ക് പൊരുതാവുന്ന സ്‌കോര്‍ സമ്മാനിച്ചത്. വിജയലക്ഷ്യം പിന്തുടര്‍ന്ന ചെന്നൈ 80 റണ്‍സ് നേടിയ വാട്സന്റെ തകര്‍പ്പന്‍ പ്രകടനത്തില്‍ വിജയപ്രതീക്ഷ നല്‍കിയെങ്കിലും മലിംഗ എറിഞ്ഞ അവസാന ഓവറില്‍ മുംബൈ 1 റണ്‍സിന് ജയം നേടുകയായിരുന്നു.
No comments