കര്‍ണാടകയില്‍ അത്ഭുതങ്ങള്‍ സംഭവിക്കുമോ? അസ്വസ്ഥരായ നാല് ബിജെപി എംഎൽഎമാർ കോൺഗ്രസ് പക്ഷത്തേക്ക്..!!
അതേസമയം, സര്‍ക്കാരിനെതിരെ വിമതര്‍ ഉന്നയിക്കുന്ന ആരോപണങ്ങള്‍ അടിസ്ഥാനരഹിതമാണെന്ന് മുഖ്യമന്ത്രി കുമാരസ്വാമി നിയമസഭയില്‍ പറഞ്ഞു. ബി.ജെ.പിയുടെ പിന്തുണ അവര്‍ക്കുണ്ട്. കുതിരക്കച്ചവടമാണ് നടന്നത്. സഖ്യസര്‍ക്കാരിനെ താഴെയിറക്കുമെന്ന് പ്രധാനമന്ത്രി പറഞ്ഞിരുന്നു. സഖ്യം നിലനില്‍ക്കുന്നതിനേക്കാള്‍ പ്രധാനം ഗൂഢാലോചന പുറത്തുകൊണ്ടുവരികയാണെന്നും കുമാരസ്വാമി വ്യക്തമാക്കി.
15 വിമത എം.എല്‍.എമാരടക്കം സഭാ നടപടികളില്‍ നിന്ന് വിട്ടുനില്‍ക്കുന്നത് 21 പേര്‍. 2 സ്വതന്ത്രര്‍, കോണ്‍ഗ്രസിന്റെ നാഗേന്ദ്ര റെഡ്ഡിയും ശ്രീമന്ത് പാട്ടീലും ഒരു ബി.ജെ.പി എം.എല്‍.എ എന്നിവര്‍ സഭയിലെത്തിയിട്ടില്ല.
ഇതിനിടെ വിശ്വാസ പ്രമേയവും വോട്ടെടുപ്പ് പ്രക്രിയയകളും ഒറ്റ ദിവസം കൊണ്ട് പൂര്‍ത്തിയാക്കണമെന്ന് ബി.ജെ.പി നേതാവ് യെദ്യൂരപ്പ സ്പീക്കറോട് ആവശ്യപ്പെട്ടു. വിശ്വാസ പ്രമേയത്തിലുള്ള വാദപ്രതിവാദങ്ങള്‍ കര്‍ണാകട വിധാന്‍ സൗധയില്‍ തുടരുകയാണ്.
സര്‍ക്കാരിന് ഭൂരിപക്ഷം ഉണ്ടാകില്ലെന്ന് ഉറപ്പായാല്‍ 12 എം.എല്‍.എമാരെ അയോഗ്യരാക്കുന്ന നടപടിയിലേക്ക് സ്പീക്കര്‍ നീങ്ങും. കര്‍ണാടകയില്‍ സര്‍ക്കാര്‍ രൂപീകരിക്കുന്നതിന് വേണ്ടിയുള്ള ചര്‍ച്ചകള്‍ ബി.ജെ.പി ആരംഭിച്ചിട്ടുണ്ട്.
അതിനിടെ ഒരു കോണ്‍ഗ്രസ് എം.എല്‍.എ കൂടി വിശ്വാസ വോട്ടെടുപ്പില്‍ പങ്കെടുക്കില്ല എന്ന് അറിയിച്ചത് കോണ്‍ഗ്രസിന് തിരിച്ചടിയായി. എം.എല്‍.എ ശ്രീമന്ത് പാട്ടീലാണ് വിട്ടുനില്‍കുക. ആരോഗ്യകാരണങ്ങള്‍ മൂലമാണ് വിട്ടുനില്‍ക്കുന്നത് എന്നാണ് അറിയിച്ചിട്ടുള്ളത്.
നിലവില്‍, വിമത എം.എല്‍.എമാരെല്ലാം മുംബയില്‍ തന്നെ തുടരുകയാണ്. ഇവര്‍ ബംഗളൂരുവിലേക്ക് എത്തുമോ എന്നുള്ള കാര്യത്തില്‍ ഇപ്പോഴും അനിശ്ചിതത്വം നിലനില്‍ക്കുകയാണ്.
എന്നാല് അർഹിച്ച പരിഗണന പോലും ലഭിക്കാത്ത ബിജെപി എംഎൽഎമാർ മറുകണ്ടം ചാടി കോൺഗ്രസ് പക്ഷത്തേക്ക് വരുമെന്നും കണക്ക് കൂട്ടുന്നു. നാലോ അഞ്ചോ എംഎൽഎ മാർ മറിച്ച് വോട്ട് ചെയ്താൽ കുമാര സ്വാമി സർകാർ തുടരും.
ഇതിന് വേണ്ട ചർച്ചകൾ കോൺഗ്രസ് അനുകൂല നേതാക്കൾ നടത്തി കൊണ്ടിരിക്കുന്നു. ഇത് എത്രത്തോളം വിജയിക്കുമെന്ന് കണ്ടറിയണം.
No comments