ജെഎന്‍യു: സര്‍വകലാശാലകളെ രാഷ്ട്രീയകേന്ദ്രങ്ങളാക്കാന്‍ അനുവദിക്കില്ലെന്ന് സ്മൃതി ഇറാനി, അമിത് ഷാ മറുപടി പറയണമെന്ന് കപില്‍ സിബല്‍
ജെഎന്‍യുവില്‍ വിദ്യാര്‍ഥികള്‍ക്ക് നേരെയുണ്ടായ അക്രമത്തില്‍ പ്രതികരണവുമായി കേന്ദ്രമന്ത്രി സ്മൃതി ഇറാനി. സര്‍വകലാശാലകളെ രാഷ്ട്രീയകേന്ദ്രങ്ങളാക്കി ഉപയോഗിക്കുന്നത് അംഗീകരിക്കാന്‍ സാധിക്കില്ലെന്നും വിദ്യാര്‍ഥികളെ രാഷ്ട്രീയ ആയുധങ്ങളായി ഉപയോഗിക്കരുതെന്നും സ്മൃതി ഇറാനി പറഞ്ഞു.
ഇടതുസംഘടനകളിലെ വിദ്യാര്‍ഥികള്‍ ജെഎന്‍യുവിന് അപഖ്യാതി ഉണ്ടാക്കുന്നതായി കേന്ദ്രമന്ത്രി ഗിരിരാജ് സിങും പ്രതികരിച്ചു. സര്‍വകലാശാലകളെ അവര്‍ ഗുണ്ടാ കേന്ദ്രങ്ങളാക്കുന്നതായും അദ്ദേഹം അഭിപ്രായപ്പെട്ടു.
എന്നാല്‍ വിഷയത്തില്‍ അമിത് ഷാ മറുപടി പറയണമെന്ന ആവശ്യവുമായി കോണ്‍ഗ്രസ്സ് നേതാവ് കപില്‍ സിബല്‍ രംഗത്തെത്തി. മുഖംമൂടി ധാരികള്‍ക്ക് എങ്ങനെ ക്യാമ്ബസില്‍ പ്രവേശിക്കാന്‍ സാധിച്ചുവെന്ന് അന്വേഷിക്കണമെന്നും സംഘര്‍ഷം നടക്കുമ്ബോള്‍ വൈസ് ചാന്‍സിലര്‍ എവിടെയായിരുന്നുവെന്നും കപില്‍ സിബല്‍ ചോദിച്ചു.അതേസമയം ജെഎന്‍യു സബര്‍ന്തി ഹോസ്റ്റല്‍ വാര്‍ഡന്‍ പദവിയില്‍ നിന്നും രാജിവെച്ചു.
No comments