ബിജെപി എംഎല്എമാര് കോണ്ഗ്രസിലേക്ക്..!! മധ്യപ്രദേശില് ശിവരാജ് സിംഗ് ചവാനെ ഞെട്ടിക്കുമെന്ന് കോണ്ഗ്രസ്..!!
ഇന്ഡോര് മേഖലയില് നിന്ന് പാര്ട്ടി വിട്ട 3 പ്രമുഖ നേതാക്കള് കഴിഞ്ഞ ദിവസം കോണ്ഗ്രസില് ചേര്ന്നതും ബിജെപിക്ക് ക്ഷീണമായി.
കോര്പ്പറേന്റര്മാര് മാത്രമല്ല, സംസ്ഥാനത്ത പ്രമുഖരായ ചില ബിജെപി എംഎല്എമാരും ഉടന് തന്നെ കോണ്ഗ്രസില് എത്തുമെന്നാണ് പൊതുമരമാത്ത് വകുപ്പ് മന്ത്രിയായ സജ്ജന് സിങ് കഴിഞ്ഞ ദിവസം പറഞ്ഞത്.
ചില ബിജെപി എംഎല്എമാര് ഇതിനോടകം തന്നെ ഞങ്ങളുമായി ബന്ധപ്പെട്ടിട്ടുണ്ട്. അധികം വൈകാതെ തന്നെ ഭോപ്പാലില് വെച്ച് ഇവര് കോണ്ഗ്രസില് ചേരും. ചര്ച്ചകള് പുരോഗമിച്ചു വരികയാണ്. കോര്പ്പറേറ്റര് മാര്ക്ക് പുറമെ എംഎല്എമാരും കോണ്ഗ്രസിലെത്തുന്നതോടെ ബിജെപി ഞെട്ടുമെന്നും അദ്ദേഹം കൂട്ടിച്ചേര്ത്തു.
പൗരത്വ നിയമ പ്രതിഷേധങ്ങള് എതിരായി സംസ്ഥാനത്ത് ബിജെപിക്കെതിരായി ഉയര്ന്നു വരുന്ന പ്രതിഷേധങ്ങളെ മുതലെടുക്കാനാണ് കോണ്ഗ്രസ് നീക്കം.
രാജ്യത്തിന് പരൗത്വ നിയമ ഭേദഗതി ഒരു തരത്തിലും ഗുണകരമാവില്ലെന്നായിരുന്നു നാരായണണ് ത്രിപാഠി അഭിപ്രായപ്പെട്ടത്. മതത്തിന്റെ പേരില് രാജ്യത്തെ വിഭജിക്കരുത്. തെരുവുകളില് കലാപാന്തരീക്ഷം സൃഷ്ടിക്കാന് മാത്രമാണ് ഈ നിയമം സഹായിക്കുക്കയുള്ളുമെന്നായിരുന്നു നാരായണ് ത്രിപാഠി നേരത്തെ അഭിപ്രായപ്പെട്ടത്.
അംബേദ്കറുടെ ഭരണഘടന പിന്തുടരാന് കേന്ദ്ര സര്ക്കാര് തയ്യാറാവണം. അതിന് തയ്യാറല്ലെങ്കില് ഭരണ ഘടന കീറിയെറിഞ്ഞ കളയണം.
എന്ആര്സിയോടുള്ള എതിര്പ്പും മെയ്ഹറില് നിന്നുള്ള എംഎല്എയായ ത്രിപാഠി നേരത്തെ വ്യക്തമാക്കിയിരുന്നു. എന്ആര്സി നടപ്പിലാക്കാന് തീരുമാനിച്ചാല് ഗ്രാമങ്ങളില് ഉള്ളവര് പൗരത്വം തെളിയിക്കാന് ഏറെ കഷ്ടപ്പെടും.
നേരത്തെ നിയമസഭയില് പരസ്യമായി കോണ്ഗ്രസ് അനുകൂല നിലപാട് സ്വീകരിച്ച വ്യക്തിയാണ് നരായാണ് ത്രിപാഠി. നിയമസഭയില് ക്രിമിനല് ഭേദഗതി ബില്ലിന്മേലുള്ള വോട്ടെടുപ്പില് നാരായണ് ത്രിപാഠിയും മറ്റൊരു എംഎല്എയുമായി ശരത് കൗളും സര്ക്കാറിന് അനുകൂലമായി നിലപാട് സ്വീകരിക്കുകയായിരുന്നു.
നാല് ബിജെപി മന്ത്രിമാര് ഉടന് തന്നെ ഭരണപക്ഷത്ത് എത്തുമെന്ന് സ്വതന്ത്രനും, കമല്നാഥ് മന്ത്രിസഭിയിലെ ഖനി വകുപ്പ് മന്ത്രിയുമായ പ്രദീപ് ജയ്സ്വാളും നേരത്തെ അവകാശപ്പെട്ടിരുന്നു.
പൗരത്വ നിയമഭേദഗതിയടക്കമുള്ള വിഷയങ്ങളില് പ്രതിഷേധിച്ച് പാര്ട്ടി വിട്ട ബിജെപിയുടെ മൂന്ന് നേതാക്കളായിരുന്നു കഴിഞ്ഞ ദിവസം കോണ്ഗ്രസില് ചേര്ന്നത്.
ഞങ്ങള് ബിജെപി അംഗത്വം ഉപേക്ഷിച്ച് മതേതര പ്രസ്ഥാനത്തിന്റെ ഭാഗമാവുകയാണെന്ന് മൂവരം സ്വീകരണ ചടങ്ങില് വ്യക്തമാക്കി. മൂന്ന് ബിജെപി നേതാക്കളേയും മുഖ്യമന്ത്രി കമല്നാഥ് കോണ്ഗ്രസ് പാര്ട്ടിയിലേക്ക് സ്വാഗതം ചെയ്തു.
ഇതൊരു തുടക്കം മാത്രമാണ്. കൂടുതല് ആളുകള് ഇവരെ പിന്തുടര്ന്ന് ഭാവിയില് തങ്ങളുടെ നിലപാട് വ്യക്തമാക്കുമെന്നും കമല്നാഥ് കൂട്ടിച്ചേര്ത്തു. പ്രധാനമന്ത്രി നരേന്ദ്ര മോദിക്കെതിരെയും അദ്ദേഹം രൂക്ഷമായി വിമര്ശനങ്ങല് ഉന്നയിച്ചു.
No comments