പെരുവഴിയിലായി സിന്ധ്യ..? ഉപതിരഞ്ഞെടുപ്പിലും വിയര്ക്കും..!! ഗ്രൗണ്ട് റിപ്പോര്ട്ട് ഇങ്ങനെ..
അതിനിടെ ചൗഹാന്റെ പുതിയ നീക്കം ജ്യോതിരാദിത്യ സിന്ധ്യയുടെ രാഷ്ട്രീയ ഭാവിയും അനിശ്ചിതത്വത്തിലാക്കിയിരിക്കുകയാണ്.
സിന്ധ്യയെ പൂട്ടാന് കോണ്ഗ്രസും രംഗത്തെത്തിറങ്ങിയതോടെ വലിയ രാഷ്ട്രീയ നാടകങ്ങള്ക്ക് മധ്യപ്രദേശ് ഉടന് വേദിയാകുമെന്നാണ് റിപ്പോര്ട്ട്.
ജ്യോതിരാദിത്യ സിന്ധ്യയും ആറ് മന്ത്രിമാര് ഉള്പ്പെടെയുള്ള 22 എംഎല്എമാരും ബിജെപിയിലേക്ക് ചേക്കേറിയതോടെയാണ് മധ്യപ്രദേശില് കമല്നാഥിന്റെ നേതൃത്വത്തിലുള്ള കോണ്ഗ്രസ് സര്ക്കാര് താഴെ വീണത്.
സിന്ധ്യയ്ക്ക് രാജ്യസഭ സീറ്റ്, നരേന്ദ്ര മോദി സര്ക്കാരില് മന്ത്രി സ്ഥാനം, കൂറുമാറിയെ എത്തിയ ആറ് മന്ത്രിമാര്ക്കും പകുതി എംഎല്എമാര്ക്കും മന്ത്രിസ്ഥാനം എന്നിവയായിരുന്നു സിന്ധ്യയ്ക്കും കൂട്ടര്ക്കും ബിജെപി കേന്ദ്രനേതൃത്വത്തില് നിന്നുള്ള ഓഫര്.
കൊവിഡിന്റെ പ്രതിസന്ധി തീര്ത്തതിനാലാണ് മന്ത്രിസഭ വികസിപ്പിക്കാന് വൈകിയത് എന്നായിരുന്നു ചൗഹാന്റെ ആദ്യ വിശദീകരണം. എന്നാല് പ്രതിപക്ഷം ഇതിനെതിരെ രംഗത്തെത്തിയതോടെ വിമര്ശനങ്ങളെ പ്രതിരോധിക്കാന് 11 അംഗ ടാസ്ക് ഫോഴ്സിനെ ചൗഹാന് നിയമിച്ചിരുന്നു.
അതിന് പിന്നാലെ അഞ്ച് പേരെ ഉള്പ്പെടുത്തി ചൗഹാന് മന്ത്രിസഭ വികസിപ്പിച്ചെങ്കിലും ചൗഹാനും സിന്ധ്യയും നേരിടാനിരിക്കുന്നത് വലിയ പ്രതിസന്ധികള് ആണെന്നാണ് രാഷ്ട്രീയ നിരീക്ഷകരും ചൂണ്ടിക്കാട്ടുന്നത്.
25 മണ്ഡലത്തിലാണ് ഉടന് ഉപതിരഞ്ഞെടുപ്പ് നടക്കാനിരിക്കുന്നത്. ഇതില് പകുതി സീറ്റുകളും സിന്ധ്യയുടെ സ്വാധീനമേഖലയായ ഗ്വാളിയാര്-ചമ്ബല് മേഖലയിലാണ്.
സിന്ധ്യയെ സംബന്ധിച്ചെടുത്തോളം ഉപതിരഞ്ഞെടുപ്പില് കാര്യങ്ങള് എളുപ്പമായേക്കില്ലെന്ന സൂചനയാണ് പ്രാദേശിക നേതാക്കളും നല്കുന്നത്.സി ന്ധ്യയുടെ ബിജെപിയിലേക്കുള്ള കൂടുമാറ്റം പല ബിജെപി നേതാക്കള്ക്കും ഇപ്പോഴും ദഹിച്ചിട്ടില്ല.
രാജിവെച്ച22 പേരേയും തിരഞ്ഞെടുപ്പില് മത്സരിപ്പിക്കണമെന്നതാണ് സിന്ധ്യയുടെ ആവശ്യം. അതുകൊണ്ട് തന്നെ ഇവര്ക്ക് മന്ത്രിസ്ഥാനം നല്കി മണ്ഡലത്തിലെ ജനങ്ങളെ വിശ്വാസത്തില് എടുക്കണമെന്നാണ് ബിജെപിയ്ക്ക് മുന്നില് സിന്ധ്യ വെച്ച ആവശ്യം.
ഇത് ഉപതിരഞ്ഞെടുപ്പില് ബിജെപിക്ക് കനത്ത തിരിച്ചടി സമ്മാനിച്ചേക്കും. അത് സിന്ധ്യയുടെ പാര്ട്ടിയിലെ നിലനില്പ്പിനെ തന്നെ ബാധിച്ചേക്കും.
അതേസമയം ബിജെപി-സിന്ധ്യപക്ഷത്തെ നീക്കങ്ങള് സസൂക്ഷ്മം വിലയിരുത്തുകയാണ് കോണ്ഗ്രസ് നേതൃത്വം.
ഉപതിരഞ്ഞെടുപ്പിനുള്ള ഒരുക്കങ്ങള് കോണ്ഗ്രസ് നേതൃത്വം ആരംഭിച്ച് കഴിഞ്ഞു. മണ്ഡലം കയറി ഇറങ്ങി പ്രചരണം നടത്താനുള്ള പ്രത്യേക ടീമിനേയും കോണ്ഗ്രസ് രൂപീകരിച്ചിട്ടുണ്ട്.
No comments