ചൊവ്വാഴ്ച വൈകീട്ട് ആറിന് പ്രധാനമന്ത്രി നരേന്ദ്ര മോദി നടത്തിയ പ്രസംഗത്തിന്​ യൂ ട്യൂബില്‍ ഡിസ്​ലൈക്ക്​ പെരുമഴ​

 ചൊവ്വാഴ്ച വൈകീട്ട് ആറിന് പ്രധാനമന്ത്രി നരേന്ദ്ര മോദി നടത്തിയ പ്രസംഗത്തിന്​ യൂ ട്യൂബില്‍ ഡിസ്​ലൈക്ക്​ പെരുമഴ​. ക്രമാതീതമായി ഡിസ്​ലൈക്ക്​ വര്‍ധിച്ചതോടെ ബട്ടന്‍ ഒാഫ്​ ചെയ്​ത്​ ബി.ജെ.പി. രാജ്യത്ത്​ വരാനിക്കുന്ന ഉത്സവകാലത്ത്​ കോവിഡിനെതിരായ ജാഗ്രത കൈവിടരുതെന്ന മുന്നറിയിപ്പുമായിട്ടായിരുന്നു മോദിയുടെ പ്രഭാഷണം. ലോക്​ഡൗണ്‍ അവസാനിച്ചു എന്നാല്‍ കോറോണ അവസാനിച്ചിട്ടില്ലെന്ന്​ രാജ്യം എപ്പോഴും ഓര്‍മിക്കണമെന്നും​ അദ്ദേഹം പറഞ്ഞു. ബി.ജെ.പി ഔദ്യോഗിക യൂട്യൂബ് ചാനലില്‍ പങ്കുവെച്ച വീഡിയോയ്ക്കാണ് ആയിരക്കണക്കിന് ഡിസ്‌ലൈക്ക് ലഭിച്ചത്. ലൈക്കുകളെ മറികടന്ന് ഡിസ്​ലൈക്ക്​ കുതിച്ചതോടെ ഗത്യന്തരമില്ലാതെ ബട്ടന്‍ ഒഴിവാക്കുകയായിരുന്നു.