കോവിഡ് ന്യുമോണിയ ബാധിച്ച് അതീവ ഗുരുതരാവസ്ഥയിലായ സിപിഐ എം കണ്ണൂര് ജില്ലാ സെക്രട്ടറി എം വി ജയരാജന് പൂര്ണമായി സുഖംപ്രാപിച്ചു
കണ്ണൂര് > കോവിഡ് ന്യുമോണിയ ബാധിച്ച് അതീവ ഗുരുതരാവസ്ഥയിലായ സിപിഐ എം കണ്ണൂര് ജില്ലാ സെക്രട്ടറി എം വി ജയരാജന് പൂര്ണമായി സുഖംപ്രാപിച്ചു. പരിയാരത്തെ കണ്ണൂര് ഗവ. മെഡിക്കല് കോളേജ് ആശുപത്രിയിലെ തീവ്രപരിചരണ വിഭാഗത്തില് കഴിയുന്ന അദ്ദേഹത്തിന് രണ്ടോ മൂന്നോ ദിവസത്തിനകം ആശുപത്രി വിടാം. ഒരുമാസം കര്ശന ശ്രദ്ധയോടെ വീട്ടില് വിശ്രമിക്കേണ്ടിവരും. അടുത്ത ബന്ധുക്കള് ഉള്പ്പെടെ സന്ദര്ശകരെ ആരെയും അനുവദിക്കില്ല.
ജനുവരി 18നാണ് കോവിഡ് പോസിറ്റീവായി കണ്ണൂര് ജില്ലാ ആശുപത്രിയില് പ്രവേശിപ്പിച്ചത്. 20ന് ന്യുമോണിയ ലക്ഷണം കണ്ടതോടെ പരിയാരത്തേക്കു മാറ്റി. വിശദ പരിശോധനയില് ന്യുമോണിയ പിടിമുറുക്കിയായി കണ്ടെത്തി.
No comments