സൗദി അറേബ്യയില് ബുധനാഴ്ചയും മുന്നൂറിന് മുകളില് പുതിയ കോവിഡ് ബാധിതര്.
റിയാദ്: സൗദി അറേബ്യയില് ബുധനാഴ്ചയും മുന്നൂറിന് മുകളില് പുതിയ കോവിഡ് ബാധിതര്. ആരോഗ്യമന്ത്രാലയം പുറത്തുവിട്ട പ്രതിദിന കണക്ക് പ്രകാരം 306 പേര്ക്കാണ് പുതുതായി രോഗബാധ സ്ഥിരീകരിച്ചത്. റിയാദില് മാത്രം 124 കേസുകളാണ് റിപ്പോര്ട്ട് ചെയ്തത്. അതെസമയം രാജ്യത്താകെ രോഗമുക്തരുടെ എണ്ണവും ഉയര്ന്നിട്ടുണ്ട്. 290 പേര് സുഖം പ്രാപിച്ചു. രാജ്യത്ത് വിവിധയിടങ്ങളിലായി മൂന്ന് മരണങ്ങളും റിപ്പോര്ട്ട് ചെയ്തു. ഇതോടെ രാജ്യത്ത് റിപ്പോര്ട്ട് ചെയ്ത കോവിഡ് കേസുകളുടെ ആകെ എണ്ണം 368945 ഉം രോഗമുക്തരുടെ എണ്ണം 360400 ഉം ആയി.
ആകെ മരണസംഖ്യ 6386 ആയി ഉയര്ന്നു. അസുഖ ബാധിതരായി ചികിത്സയില് കഴിയുന്നവരുടെ എണ്ണം 2159 ആയി കുറഞ്ഞു.
No comments