പറവൂര് തന്റെ ഹൃദയത്തിന്റെ ഭാഗമാണെന്നും പറവൂരിലല്ലാതെ മറ്റൊരിടത്തും മത്സരിക്കില്ലെന്ന് പാര്ട്ടിയെ അറിയിച്ചിട്ടുണ്ടെന്നും വി.ഡി സതീശന് എം.എല്.എ
പറവൂര്: പറവൂര് തന്റെ ഹൃദയത്തിന്റെ ഭാഗമാണെന്നും പറവൂരിലല്ലാതെ മറ്റൊരിടത്തും മത്സരിക്കില്ലെന്ന് പാര്ട്ടിയെ അറിയിച്ചിട്ടുണ്ടെന്നും വി.ഡി സതീശന് എം.എല്.എ. മറിച്ചുള്ള പ്രചാരണങ്ങള് അടിസ്ഥാനരഹിതമാണ്. മത്സരിക്കണോയെന്ന് തീരുമാനിക്കേണ്ടത് പാര്ട്ടിയാണ്. പറവൂര് എന്റെ ഹൃദയത്തിന്റെ ഭാഗമാണ്. അത് പറിച്ചെടുക്കാന് കഴിയില്ല -അദ്ദേഹം വ്യക്തമാക്കി.
എല്.ഡി.എഫില് ആര് മത്സരിക്കുന്നു എന്നത് വിഷയമല്ല. എല്ലാ പ്രാവശ്യവും തനിക്കെതിരെ മത്സരിച്ചത് എല്.ഡി.എഫാണ്. ഇത്തവണ സി.പി.എം സ്ഥാനാര്ഥിയാണ് പറവൂരില് മത്സരിക്കുന്നത് എന്ന പ്രചരണത്തില് ഒരു കാര്യവുമില്ല. സി പി എം വന്നാല് കൂടുതല് വോട്ടുകിട്ടുമെന്ന് പറയുന്നതിന്റെ അര്ത്ഥം കുറെ സി പി എമ്മുകാര് സി.പി.ഐക്ക് വോട്ടുചെയ്യാറില്ലായെന്നാണ്.
No comments