കാലത്ത് സംസ്ഥാനത്തെ വിവിധ ഡിപ്പോകളില്‍ നിന്നുള്ള ശബരില സ്‌പെഷ്യല്‍ സര്‍വീസുകള്‍ക്കും നിലയ്ക്കല്‍പമ്ബ ചെയിന്‍ സര്‍വീസുകള്‍ക്കും 30 ശതമാനം നിരക്ക് വര്‍ദ്ധന ഏര്‍പ്പെടുത്താന്‍ കെ.എസ്.ആര്‍.ടി.സി തീരുമാനം. ജസ്റ്റിസ് രാമചന്ദ്രന്‍ കമ്മിറ്റിയുടെ ശുപാര്‍ശയുടെ അടിസ്ഥാനത്തില്‍ സര്‍ക്കാര്‍ നിശ്ചയിച്ച്‌ നല്‍കിയ ഉത്സവഫെയറും ഗാട്ട് ഫെയറുമാണ് ടിക്കറ്റ് ചാര്‍ജില്‍ ഉള്‍പ്പെടുത്തിയിരിക്കുന്നതെന്ന് സി.എം.ഡി ടോമിന്‍ ജെ.തച്ചങ്കരി വാര്‍ത്താസമ്മേളനത്തില്‍ അറിയിച്ചു.
മണ്ഡലകാലത്ത് 300 സ്‌പെഷ്യല്‍ സര്‍വീസുകളാണ് കെ.എസ്.ആര്‍.ടി.സി നടത്തുക. ഇതില്‍ 50 എണ്ണം പമ്ബ കേന്ദ്രീകരിച്ച്‌ വിവിധ സ്ഥലങ്ങളിലേക്കും 250 എണ്ണം വിവിധ ഡിപ്പോകളില്‍ നിന്ന് പമ്ബയിലേക്കുമാണ്.
തീര്‍ഥാടകര്‍ക്ക് മാത്രമായാണ് ഇവ നിശ്ചയിച്ചിട്ടുള്ളത്. തീര്‍ഥാടകരുടെ ആവശ്യത്തിനല്ലാതെ ഇവയ്ക്ക് എല്ലാ സ്റ്റോപ്പുകളും ഉണ്ടാവില്ല.
No comments