സമരം പിൻവലിച്ചു.. ഡിസംബർ ഒന്ന് മുതൽ നിരക്ക് വർധിപ്പിക്കാൻ ധാരണ..
മന്ത്രി യുമായുള്ള ചര്‍ച്ചയില്‍ നിരക്ക് സംബന്ധിച്ച കാര്യങ്ങള്‍ തിരുമാനമായെന്നും ഡിസംബര്‍ ഒന്നു മുതല്‍ നിരക്കുകള്‍ വര്‍ധിപ്പിക്കാമെന്ന് മന്ത്രി ഉറപ്പ് നല്‍കി യെന്നും യൂണിയന്‍ നേതാക്കള്‍ പറഞ്ഞു.
സംസ്ഥാനത്ത് ഓട്ടോ - ടാക്സി നിരക്ക് വര്‍ധിപ്പിക്കാന്‍ ജസ്റ്റിസ് രാമചന്ദ്രന്‍ നായര്‍ കമ്മീഷന്‍ ശുപാര്‍ശ ചെയ്തിരുന്നു.
ഇത് നടപ്പിലാക്കണ മെന്നായിരുന്നു യൂണിയന്‍റെ ആവശ്യം. ഓട്ടോ മിനിമം ചാര്‍ജ് നിലവില്‍ 20 രൂപയാണ്. ഇത് 30 ആക്കി വര്‍ധിപ്പിക്കണ മെന്നാണ് കമ്മീഷന്റെ ശുപാര്‍ശ. ടാക്സി നിരക്ക് 150 ല് നിന്ന് 200 ആക്കണമെന്നും കമ്മീഷന്‍ ശുപാര്‍ശ ചെയ്യുന്നു. ഇന്ധന വില വര്‍ധിച്ച സാഹചര്യത്തിലാണ് കമ്മീഷന്‍ ശുപാര്‍ശ. 2014 ലാണ് അവസാനമായി ഓട്ടോ ടാക്സി നിരക്ക് വര്‍ധിപ്പിച്ചത്.
No comments