ശബരിമലയിൽ കലക്ക വെള്ളത്തിൽ മീൻ പിടിക്കാൻ പലരും ശ്രമിക്കുന്നു.. കരുതിയിരിക്കാൻ കോടതി നിർദ്ദേശം

ശബരി മലയിലെ സംഘര്‍ഷാവസ്ഥ മുതലെടുക്കാന്‍ ശ്രമം ഉണ്ടായെക്കുമെന്ന് സര്‍ക്കാര്‍ ഹൈക്കോടതിയില്‍. അതിന് മുന്‍കരുതലായാണ് വാഹനങ്ങള്‍ക്ക് പാസ്സ് ഏര്‍പ്പെടുത്തിയതെന്നും അതു കൊണ്ട് തീര്‍ത്ഥാടകര്‍ക്ക് ബുദ്ധിമുട്ടൊന്നും ഉണ്ടാകില്ലെന്നും സര്‍ക്കാര്‍ കോടതിയില്‍ ബോധിപ്പിച്ചു. തീര്‍ത്ഥാടകരുടെ വാഹനങ്ങള്‍ക്ക് പാസ് നിര്‍ബന്ധമാക്കിയ നടപടി ക്കെതിരെ സമര്‍പ്പിച്ച ഹര്‍ജിക്ക് മറുപടി യായിട്ടാണ് സര്‍ക്കാര്‍ വിശദീകരണം.

ശബരി മല വിശയത്തില്‍ കലക്ക വെള്ളത്തില്‍ മീന്‍ പിടിക്കാന്‍ പലരും ശ്രമിക്കുന്നുണ്ടെന്ന കാര്യം ശ്രദ്ധിക്കണം എന്ന് ഹൈക്കോടതി ഹര്‍ജിക്കാരനോട് പറഞ്ഞു. അതു കൊണ്ടാണ് സര്‍ക്കാരിന് പല നിയന്ത്രണങ്ങളും ഏര്‍പ്പെടുത്തേണ്ടി വരുന്നത് എന്നും കോടതി വ്യക്തമാക്കി.