അഴീക്കോട് മണ്ഡലത്തിലെ തെരഞ്ഞെടുപ്പ് കേസ്; വിധി പറയാൻ മാറ്റി..

അഴീകോട് മണ്ഡലത്തിലെ തെരഞ്ഞെടുപ്പ് കേസ് രണ്ടാഴ്ച കഴിഞ്ഞു വിധി പറയാൻ മാറ്റി.  എം എല്‍ എ എന്ന നിലയിലുള്ള ആനുകൂല്യം കെ എം ഷാജി യ്ക്ക് നിഷേധിക്കണം എന്ന എം വി നികേഷ് കുമാറിന്‍റെ ആവശ്യവും ഹൈക്കോടതി അംഗീകരിച്ചില്ല.

വർഗീയ പരാമർശങ്ങളടങ്ങിയ ലഘു ലേഖകൾ വിതരണം ചെയ്തതിന്‍റെ പേരിലാണ് അഴീക്കോട് എം എൽ എ  കെ. എം. ഷാജിയെ ഹൈക്കോടതി അയോഗ്യനാക്കിയത്. ആറ് വർഷത്തേയ്ക്കാണ് ഷാജിയെ അയോഗ്യനാക്കിയിരിക്കുന്നത്. കോടതി ച്ചെലവായി അൻപതിനായിരം രൂപ ഷാജി നികേഷിന് നൽകുകയും വേണം. വർഗ്ഗീയത പ്രചരിപ്പിക്കുന്ന ലഘു ലേഖകൾ പ്രചരിപ്പിച്ചാണ് കെ എം ഷാജി തെരഞ്ഞെടുപ്പ് വിജയം നേടിയത് എന്നാരോപിച്ച് നികേഷ് കുമാർ കോടതിയെ സമീപിക്കുകയായിരുന്നു.

എന്നാല്‍ കെ. എം. ഷാജി എം എല്‍ എ യെ അയോഗ്യനാക്കിയ വിധി രണ്ടാഴ്ച ത്തേക്ക് സ്റ്റേ ചെയ്യകയും ഉണ്ടായി.