കൊല്ലം ജില്ലയില്‍ വെള്ളിയാഴ്ച വിദ്യാഭ്യാസ ബന്ദ്..

കൊല്ലം ജില്ലയിൽ വെള്ളിയാഴ്ച വിദ്യാഭ്യാസ ബന്ദിന് ആഹ്വാനം. കെ.എസ്.യു, എ.ഐ.എസ്.എഫ്. എ.ബി.വി.പി. എന്നീ സംഘടനകളാണ് വിദ്യാഭ്യാസ ബന്ദിന് ആഹ്വാനം ചെയ്തത്. കൊല്ലം ഫാത്തിമ മാതാ കോളേജിൽ വിദ്യാർഥിനി ആത്മഹത്യ ചെയ്ത സംഭവത്തിൽ കുറ്റക്കാർക്കെതിരെ നടപടി സ്വീകരിക്കണമെന്ന് ആവശ്യപ്പെട്ടാണ് വിദ്യാഭ്യാസ ബന്ദിന് ആഹ്വാനം ചെയ്തിരിക്കുന്നത്. കഴിഞ്ഞദിവസമാണ് ഫാത്തിമ മാതാ കോളേജിലെ ഒന്നാംവർഷ ബിരുദ വിദ്യാർഥിനി രാഖികൃഷ്ണ ട്രെയിനിന് മുന്നിൽ ചാടി ജീവനൊടുക്കിയത്. പരീക്ഷയ്ക്കിടെ കോപ്പിയടിച്ചെന്ന് ആരോപിച്ച് രാഖിയെ പരീക്ഷാഹാളിൽനിന്ന് പുറത്താക്കിയിരുന്നു. തുടർന്ന്കോളേജിൽനിന്ന് ഇറങ്ങിപ്പോയ രാഖി ട്രെയിനിന് മുന്നിൽ ചാടി ജീവനൊടുക്കുകയായിരുന്നു.