റായ്പൂര്‍: ഛത്തീസ്ഗഢ് തെരഞ്ഞെടുപ്പ് പ്രചാരണത്തില്‍ ബി. ജെ. പി യേയും പ്രധാനമന്ത്രി നരേന്ദ്ര മോഡി യേയും കടന്നാക്രമിച്ച് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. അഴിമതിക്കെതിരെ പോരാടുമെന്ന് പറയുന്ന മോഡി ഛത്തീസ്ഗഢില്‍ എത്തുമ്പോള്‍ മുഖ്യമന്ത്രിയുടെ അഴിമതിയെ കുറിച്ച് മിണ്ടുന്നില്ല. ചിട്ടി ഫണ്ട് കേസില്‍ 5000 കോടി രൂപയാണ് അപ്രത്യക്ഷമായത്. 310 കേസുകള്‍ ഇതുമായി ബന്ധപ്പെട്ട് രജിസ്റ്റര്‍ ചെയ്തു. എന്നാല്‍ ഒരു നടപടിയും വന്നിട്ടില്ല. കാരണം മുഖ്യമന്ത്രി ഉള്‍പ്പെട്ടിരിക്കുന്നു എന്നതാണെന്നും രാഹുല്‍ ഗാന്ധി കുറ്റപ്പെടുത്തി. ഛത്തീസ്ഗഢിലെ കങ്കാറില്‍ തെരഞ്ഞെടുപ്പ് പ്രചാരണ റാലിയില്‍ സംസാരിക്കുകയായിരുന്നു രാഹുല്‍ ഗാന്ധി.
പി ഡി എസ് തട്ടിപ്പാണ് രണ്ടാമത്തെ വിഷയം. 36,000 കോടി രൂപയാണ് ഛത്തീസ്ഗഢിലെ ജനങ്ങള്‍ക്ക് നഷ്ടമായത്. കേസില്‍ പിടിയിലായവരുടെ ഡയറിയില്‍ എഴുതിയിരുന്ന സി. എം മാഡം, ഡോ. സാഹബ് എന്നിവര്‍ ആരാണെന്ന് വ്യക്തമാക്കാന്‍ മുഖ്യമന്ത്രി രമണ്‍ സിംഗ് തയ്യാറാകണം.
No comments