ഹർത്താൽ 97 നോട്ട് ഔട്ട്; കേരളത്തിനായി സെഞ്ചുറി തികയ്ക്കുന്നതാരാകും?

97 നോട്ട് ഔട്ട്; കേരളത്തിനായി സെഞ്ചുറി തികയ്ക്കുന്നതാരാകും?
ദൈവത്തിന്റെ സ്വന്തം നാട് ഹർത്താലുകളുടെയും സ്വന്തം നാടാണെന്ന കാര്യത്തിൽ ആർക്കും സംശയമില്ല. 2018 അവസാനിക്കാൻ ദിവസങ്ങൾ മാത്രം അവശേഷിക്കെ ഈ വർഷം കേരളത്തിൽ നടന്നത് 97 ഹർത്താലുകൾ. ഒരു കക്ഷികൾക്കും പരസ്പരം കുറ്റംപറയാൻ കഴിയാത്തവിധത്തിലാണ് ഹർത്താൽ കണക്ക്. ഒരു രാഷ്ട്രീയ കക്ഷിയും മോശക്കാരല്ലെന്ന് ചുരുക്കം. ഈ വർഷവും ഹർത്താലുകളിൽ മുന്നിൽ ബിജെപി തന്നെ. 26 ഹർത്താലുകളാണ് ഈ വർഷം ബിജെപി നടത്തിയത്. തൊട്ടുപിന്നിൽ 23 ഹർത്താലുകളുമായി യുഡിഎഫുണ്ട്. എൽഡിഎഫിന്റെ വകയായി 15 ഹർത്താലുകൾ നടന്നു. വ്യാപാരി വ്യവസായികൾ 11 ഹർത്താലുകളും നടത്തി. 2017ൽ ബിജെപി 41ഉം യുഡിഎഫ് 27ഉം എൽഡിഎഫ് 18ഉം ഹർത്താലുകളാണ് നടത്തിയത്.