2019ന് സ്വാഗതം; പുതുവര്‍ഷത്തെ വരവേറ്റ് ലോകം,
കൊച്ചി : പുത്തന്‍ പ്രതീക്ഷകളും സ്വപ്നങ്ങളുമായി 2019-നെ വരവേറ്റ് ലോകം. പോയ വര്‍ഷത്തെ നഷ്ടങ്ങളും സങ്കടങ്ങളും മറന്ന് ആഘോഷലഹരിയില്‍ കേരളവും പുതുവര്‍ഷത്തെ സ്വാഗതം ചെയ്തു. സംസ്ഥാനത്തിന്റെ വിവിധഭാഗങ്ങളിലായി സംഘടിപ്പിച്ച പുതുവര്‍ഷാഘോഷ പരിപാടികളില്‍ നിരവധിപേര് പങ്കെടുത്തു. കേരളത്തിലെ പ്രധാന ആഘോഷകേന്ദ്രമായ ഫോര്‍ട്ട് കൊച്ചിയില്‍ പാപ്പാഞ്ഞിയെ കത്തിച്ചാണ് പുതുവര്‍ഷത്തെ എതിരേറ്റത്.
കൊച്ചി നഗരത്തിലെ വിവിധ സ്വകാര്യ ഹോട്ടലുകളിലും പുതുവര്‍ഷാഘോഷങ്ങള്‍ സംഘടിപ്പിച്ചിരുന്നു. തിരുവനന്തപുരത്ത് വിനോദസഞ്ചാരകേന്ദ്രങ്ങളായ കോവളത്തും വക്കലയിലും വിദേശികളടക്കം നിരവധിപേര്&്വംഷ; ആഘോഷങ്ങളില്‍ പങ്കെടുത്തു. സംഗീതനിശയും ഡി.ജെ പാര്‍ട്ടികളും ആഘോഷങ്ങള്‍ക്ക് മിഴിവേകി.
കോഴിക്കോട് കടപ്പുറത്തും പുതുവര്‍ഷം ആഘോഷിക്കാന്‍ ഒട്ടേറെപ്പേരെത്തിയിരുന്നു
രാജ്യത്തെ പ്രധാനനഗരങ്ങളായ ഡല്‍ഹി, ചെന്നൈ, കൊല്‍ക്കത്ത, ബെംഗളൂരു, മുംബൈ എന്നിവിടങ്ങളിലും പുതുവര്‍ഷ ആഘോഷങ്ങള്‍ നടന്നു.
ഇന്ത്യന്‍ സമയം വൈകിട്ട് നാലരയോടെ ന്യൂസീലാന്‍ഡിലെ ഓക് ലാന്‍ഡിലാണ് ലോകത്ത് ആദ്യം പുതുവര്‍ഷം പിറന്നത്. ഓക് ലാന്‍ഡിലെ സ്‌കൈ ടവറില്‍ കരിമരുന്ന് പ്രയോഗത്തിലൂടെ ലോകം 2019-നെ സ്വാഗതം ചെയ്തു. തൊട്ടുപിന്നാലെ ഓസ്‌ട്രേലിയയിലും പുതുവര്‍ഷമെത്തി. ദുബായില്‍ ബുര്‍ജ് ഖലീഫയിലാണ് പ്രധാനമായും ആഘോഷപരിപാടികള്‍ നടന്നത്.
No comments