ചരിത്രത്തിന്റെ ഭാഗമായി , ഒടുവിൽ തല ഉയർത്തി തന്നെ മടക്കം

ഏഷ്യന്‍ കപ്പ് ഫുട്‌ബോളിലെ അവസാന ഗ്രൂപ്പ് മല്‍സരത്തില്‍ ബഹ്‌റൈനോടു തോറ്റ് ഇന്ത്യ ആദ്യ റൗണ്ടില്‍ തന്നെ പുറത്തായതിന് പിന്നാലെ പരിശീലകന്‍ കോണ്‍സ്റ്റന്റൈന്‍ രാജിവെച്ചു. ഏഷ്യന്‍ കപ്പില്‍ ഇന്ത്യ പുറത്തായതിന് പിന്നാലെയായിരുന്നു കോണ്‍സ്റ്റന്റൈന്റെ രാജിപ്രഖ്യാപനം.

എതിരില്ലാത്ത ഒരു ഗോളിനാണ് ബഹ്‌റൈനെതിരെ ഇന്ത്യയുടെ തോല്‍വി. ഇതോടെ, ഗ്രൂപ്പ് എയില്‍ മൂന്നു പോയിന്റുമായി അവസാന സ്ഥാനത്തേയ്ക്ക് പിന്തളളപ്പെട്ട ഇന്ത്യ ടൂര്‍ണമെന്റില്‍ നിന്ന് പുറത്താകുകയായിരുന്നു.  അതേസമയം, ഗ്രൂപ്പില്‍ ഒന്നാമതെത്തിയ യുഎഇയും രണ്ടാമതെത്തിയ ബഹ്‌റൈനും മൂന്നാമതെത്തിയ തായ്‌ലന്‍ഡും (മികച്ച മൂന്നാം സ്ഥാനക്കാര്‍ എന്ന ആനൂകുല്യത്തോടെ) പ്രീക്വാര്‍ട്ടറിലേക്കു മുന്നേറി. ഗ്രൂപ്പില്‍നിന്നു പുറത്തേക്കുള്ള വഴി കണ്ടത് ഇന്ത്യ മാത്രം.

കളിയുടെ അവസാന നിമിഷം വരെ പൊരുതിനിന്ന ഇന്ത്യയെ ഇന്‍ജുറി ടൈമില്‍ പെനല്‍റ്റിയില്‍നിന്നു നേടിയ ഗോളിലാണ് ബഹ്‌റൈന്‍ മറികടന്നത്. ജമാല്‍ റഷീദാണ് വിജയഗോള്‍ നേടിയത്.