ചെങ്ങന്നൂര്‍ മറക്കരുത് : എ.കെ. ആന്റണി
കൊച്ചി: താഴെതട്ടില്‍ പ്രവര്‍ത്തിച്ചില്ലെങ്കില്‍ ചെങ്ങന്നൂര്‍ ആവര്‍ത്തിക്കുമെന്ന് കോണ്‍ഗ്രസ് പ്രവര്‍ത്തകസമിതി അംഗം എ.കെ. ആന്റണി. ജനവികാരം ഫലപ്രദമായി വിനിയോഗിച്ചാല്‍ കേരളത്തിലെ 20 സീറ്റും കോണ്‍ഗ്രസിന് കിട്ടുമെന്നും അദ്ദേഹം പറഞ്ഞു.
കോണ്‍ഗ്രസ് നേതൃസംഗമത്തില്‍ രാഹുല്‍ ഗാന്ധി ഉള്‍പ്പെടെയുള്ള മുതിര്‍ന്ന നേതാക്കളെ വേദിയിലിരുത്തിയായിരുന്നു ആന്റണിയുടെ മുന്നറിയിപ്പ്.
അരനൂറ്റാണ്ട് നീണ്ട രാഷ്ട്രീയ പ്രവര്‍ത്തനത്തിനിടെ കേരളത്തില്‍ ഇതു പോലൊരു സമ്മേളനം കണ്ടിട്ടില്ല. ഈ ആവേശം നിലനിറുത്തണം.മോദിയെ തറപറ്റിക്കാന്‍ കരുത്തുള്ള നേതാവായി രാഹുല്‍ മാറി. പരമാവധി എം.പിമാര്‍ കേരളത്തില്‍ നിന്ന് കോണ്‍ഗ്രസിനുണ്ടാകണമെങ്കില്‍ ചെങ്ങന്നൂര്‍ പാഠമാകണം.
ബൂത്തില്‍ പ്രവര്‍ത്തകരില്ലെങ്കില്‍ ജനവികാരം വോട്ടാകില്ലെന്നും ആന്റണി പറഞ്ഞു.
No comments