ഇടതുമുന്നണിയില്‍ ചര്‍ച്ച തിരുവനന്തപുരം വിട്ടുകൊടുക്കില്ലെന്ന് സി.പി.ഐ
തിരുവനന്തപുരം തിരുവനന്തപുരം ലോക്സഭാ സീറ്റ് ജനതാദള്‍ എസിന് വിട്ടുകൊടുക്കില്ലെന്ന് സി.പി.ഐ. തിരുവനന്തപുരത്ത് നിന്നുള്ള മുന്‍ എം.പി കൂടിയായ ജനതാദള്‍ എസ് നേ ഇതാവ് എ. നീലലോഹിതദാസിന് മത്സരിക്കാനായി സി.പി.ഐ തിരുവനന്തപുരം സീറ്ര് വിട്ടുനല്‍കിയാല്‍ പകരം കോട്ടയം തരാം എന്നുള്ളതാണ് ജനതാദള്‍ എസ് മുന്നോട്ടുവയ്ക്കുന്ന നിര്‍ദ്ദേശം.
എന്നാല്‍ ഇത് തങ്ങള്‍ക്ക് സ്വീകാര്യമല്ല എന്നാണ് സി.പി.ഐ യുടെ നിലപാട്. എം.എന്‍. ഗോവിന്ദന്‍നായരും കെ.വി.സുരേന്ദ്രനാഥുമൊക്കെ മത്സരിച്ച മണ്ഡലം താരതമ്യേന ദുര്‍ബലമായ കോട്ടയവുമായി വച്ചുമാറേണ്ട എന്ന നിലപാടാണ് സി.പി.ഐ നേതൃത്വം കൈക്കൊള്ളുന്നത്.
ഇന്ന് എ.കെ.ജി സെന്ററില്‍ നടക്കുന്ന സി.പി.ഐ-സി.പി.എം ഉഭയകക്ഷി ചര്‍ച്ചയില്‍ സി.പി.ഐ തങ്ങളുടെ നിലപാട് വ്യക്തമാക്കും.
നിലവില്‍ തിരുവനന്തപുരം, മാവേലിക്കര ( സംവരണം) തൃശൂര്‍ , വയനാട് എന്നിവയാണ് സി.പി.ഐയുടെ സീറ്ര് . കഴിഞ്ഞ തവണ തിരുവന്തപുരത്ത് സി.പി.ഐ നിറുത്തിയ സ്ഥാനാര്‍ത്ഥിയെ ചൊല്ലിയുള്ള വിവാദം പാര്‍ട്ടിക്കകത്തെ പൊട്ടിത്തെറിയിലാണ് കലാശിച്ചത്.
No comments