അങ്കത്തിനൊരുങ്ങി ആലപ്പുഴ.. മണ്ഡലം തിരിച്ച്‌ പിടിക്കാന്‍ ജി സുധാകരനോ?
ഇവിടെ ഏഴില്‍ ആറ് നിയോജക മണ്ഡലങ്ങളും ഇടതിനൊപ്പമാണ്. കരുത്തനായ സ്ഥാനാര്‍ത്ഥി വന്നാല്‍ വിജയിക്കുമെന്ന പ്രതീക്ഷയിലാണ് സിപിഎം ഇത്തവണ മന്ത്രി ജി സുധാകരനെ ഇറക്കുന്നത്.
ആലപ്പുഴ അടക്കം നാല് മണ്ഡലങ്ങള്‍ തിരിച്ചുപിടിക്കാനാണ് ഇത്തവണ സിപിഎം ശ്രദ്ധിക്കുന്നത്.
സിപിഎം വോട്ടുകള്‍ കാര്യമായി ചോരില്ലെന്ന് മാത്രമല്ല ജില്ലയിലാകെയുള്ള പൊതുസമ്മതി ന്യൂനപക്ഷവോട്ടുകളും പെട്ടിയിലാക്കുമെന്നാണ് പ്രതീക്ഷ.
സമാനമായ സാഹചര്യമാണ് കൊല്ലത്തും കോഴിക്കോടും വടകരയിലും ഉള്ളത്. കഴിഞ്ഞ തവണ എന്‍ കെ പ്രേമചന്ദ്രന്‍ അട്ടിമറി ജയം നേടിയ കൊല്ലത്തെ എല്ലാ നിയോജക മണ്ഡലങ്ങളിലും ഇടതിനൊപ്പമാണ്.
മുന്‍ ജില്ലാ സെക്രട്ടറി കെ എന്‍ ബാലഗോപാലാണ് പരിഗണനാ പട്ടികയില്‍ ആദ്യമുള്ളത്. വടകരയിലും കോഴിക്കോടും ഇതുപോലെ തന്നെ ഇടതുമുന്നണിക്ക് മേല്‍ക്കൈ ഉള്ള മണ്ഡലമാണ്.
No comments