പ്രിയങ്ക ഗാന്ധി ക്ക് കൂട്ടായി പ്രിയദർശനിയും

 പ്രിയങ്ക ഗാന്ധിയുടെ രാഷ്ട്രീയ പ്രവേശനത്തിന് പിന്നാലെ കോണ്‍ഗ്രസ് നേതാവ് ജ്യോതിരാദിത്യ സിന്ധ്യയുടെ ഭാര്യ പ്രിയദര്‍ശിനി രാജെ സിന്ധ്യയുടെ രാഷ്ട്രീയ പ്രവേശനത്തിനും കോണ്‍ഗ്രസില്‍ ആവശ്യം ശക്തമാകുന്നു. സിന്ധ്യ രാജകുടുബത്തിലെ അംഗമായ പ്രിയദര്‍ശിനി, ഭര്‍ത്താവ് ജ്യോതിരാദിത്യ സിന്ധ്യയ്ക്ക് വേണ്ടി ലോക്‌സഭ തെരഞ്ഞെടുപ്പില്‍ പ്രചാരണത്തിനിറങ്ങിയിരുന്നു. ഇത് ചൂണ്ടിക്കാട്ടിയാണ് കോണ്‍ഗ്രസിലെ ഒരു വിഭാഗം രംഗത്ത് വന്നിരിക്കുന്നത്. 

പ്രിയദര്‍ശിനിയുടെ രാഷ്ട്രീയ പ്രവേശനം സ്ത്രീകള്‍ക്കും യുവാക്കള്‍ക്കുമിടയില്‍ തരംഗമുണ്ടാക്കുമെന്നാണ് മധ്യപ്രദേശ് ക്യാബിനറ്റ് മന്ത്രി പ്രദുമ്‌നന്‍ സിങ് പറഞ്ഞു. സിന്ധ്യ കുടുംബത്തിന്റെ സ്ഥിരം മണ്ഡലങ്ങളിലൊന്നായ ഗുണ-ശിവ്പുരില്‍ പ്രിയദര്‍ശിനിയെ മത്സരിപ്പിക്കണമെന്നാണ് ഒരുവിഭാഗം ആവശ്യപ്പെടുന്നത്. എന്നാല്‍ സിന്ധ്യ കുടുംബം അണികളുടെ ആവശ്യത്തോട് ഇതുവരെ പ്രതികരിച്ചിട്ടില്ല.

കിഴക്കന്‍ യുപിയുടെ ചുമതലയുള്ള എഐസിസി ജനറല്‍ സെക്രട്ടറിയായാണ് പ്രിയങ്ക ഗാന്ധി രാഷ്ട്രീയ പ്രവേശനം ചെയ്തിരിക്കുന്നത്. പ്രിയങ്കയുടെ വരവ് യുപിയില്‍ ഓളമുണ്ടാക്കാന്‍ സഹായിക്കുമെന്നാണ് കോണ്‍ഗ്രസ് കണക്കുകൂട്ടുന്നത്.