അക്രമികളെ ശബരിമലയില്‍ പ്രവേശിപ്പിക്കുകയില്ല: മന്ത്രി കടകംപള്ളി
തിരുവനന്തപുരം: കുംഭമാസ പൂജാവേളയിലും അക്രമകാരികളെ ശബരിമല സന്നിധാനത്തേക്ക് പ്രവേശി
പ്പിക്കുകയില്ലെന്ന് മന്ത്രി കടകംപള്ളി സുരേന്ദ്രന്‍ പറഞ്ഞു. കെ.എസ്.ടി.എ 28-ാം സംസ്ഥാന സമ്മേളനത്തോടനുബന്ധിച്ച്‌ നടന്ന ട്രേഡ് യൂണിയന്‍ സൗഹൃദ സമ്മേളനത്തില്‍ മാദ്ധ്യമങ്ങളോട് സംസാരിക്കുകയായിരുന്നു അദ്ദേഹം.
കുംഭമാസത്തില്‍ ശബരിമലയില്‍ എല്ലാവര്‍ക്കും സുഗമമായ ദര്‍ശനത്തിനുള്ള സൗകര്യം ഒരുക്കും. സുപ്രീം കോടതിയിലെ കാര്യങ്ങളെക്കുറിച്ച്‌ ദേവസ്വം കമ്മീഷണറോട് പ്രസിഡന്റ് ചോദിച്ചറിയുകയാണ് ചെയ്തത്. ഇത് വിശദീകരണം ചോദിച്ചു എന്ന് തെറ്റായി വ്യാഖ്യാനിക്കുകയായിരുന്നു. മാദ്ധ്യമങ്ങളാണ് തെറ്റായി വ്യാഖ്യാനിച്ചതെന്നും മന്ത്രി കൂട്ടിച്ചേര്‍ത്തു.
No comments