തെരഞ്ഞെടുപ്പില് സ്ത്രീകള്ക്ക് അവസരം നല്കണമെന്ന് രാഹുല് ഗാന്ധിയോട് ആവശ്യപ്പെട്ടിട്ടുണ്ട്; കിട്ടുമെന്നാണ് വിശ്വാസം: ലതിക സുഭാഷ്
കോഴിക്കോട്: ലോക്സഭാ തെരഞ്ഞെടുപ്പില് കേരളത്തില് നിന്ന് കൂടുതല് സ്ത്രീ പ്രാതിനിധ്യം ഉറപ്പു വരുത്തണമെന്ന് കോണ്ഗ്രസ് അധ്യക്ഷന് രാഹുല്ഗാന്ധിയോട് ആവശ്യപ്പെട്ടിട്ടുണ്ടെന്ന് മഹിളാ കോണ്ഗ്രസ് കമ്മിറ്റി അധ്യക്ഷ ലതികാ സുഭാഷ്. കോണ്ഗ്രസ് അത് ഉറപ്പുവരുത്തുമെന്ന് വിശ്വാസമുണ്ടെന്നും ലതിക പറഞ്ഞു.
'കേരളത്തില് നിന്ന് കൂടുതല് സ്ത്രീകളെ ഇത്തവണ മത്സര രംഗത്തേക്ക് കൊണ്ടുവരണമെന്ന് കോണ്ഗ്രസ് അധ്യക്ഷന് രാഹുല്ഗാന്ധിയോട് ആവശ്യപ്പെട്ടിട്ടുണ്ട്. അത് ചെയ്യുമെന്ന് തന്നെയാണ് ഞങ്ങളുടെ വിശ്വാസം. രാഹുല് ഗാന്ധിയുടെ എറണാകുളം സന്ദര്ശനത്തിനിടയില് ഈ കാര്യം നേരിട്ട് ആവശ്യപ്പെട്ടിട്ടുണ്ട്.'
എന്നാല് പാര്ട്ടിയില് ഇത്തരം കാര്യങ്ങളെ കുറിച്ച് ചര്ച്ച വരുന്നതേയുള്ളുവെന്നും അതിന് മുന്പ് ഇത്തരം കാര്യങ്ങളില് പരസ്യപ്രസ്താവനക്കില്ലെന്നും അവര് പറഞ്ഞു.
'പാര്ട്ടി ഇത്തരം കാര്യങ്ങള് ചര്ച്ച ചെയ്യുന്നതേയുള്ളു. ചര്ച്ചയക്ക് ശേഷം ഞങ്ങളത് വെളിപ്പെടുത്തും. അതിന് മുന്പ് അത്തരം കാര്യങ്ങളില് ഒരു പരസ്യ പ്രസ്ഥാവനക്കില്ല.'
ലോക്സഭാ തെരഞ്ഞെടുപ്പ് പ്രചരണാര്ത്ഥം എറണാകുളത്ത് ചേര്ന്ന കോണ്ഗ്രസിന്റെ നേതൃസംഗമത്തിന്റെ വേദിയില് കുറച്ച് കൂടി സ്ത്രീ പ്രാതിനിധ്യം ഉണ്ടാകുമെന്ന് പ്രതീക്ഷിച്ചിരുന്നു എന്ന് രാഹുല് കുറ്റപ്പെടുത്തിയിരുന്നു. കേരളത്തില് കോണ്ഗ്രസിനായി കൂടുതല് വനിതാ നേതാക്കള് ഉയര്ന്നുവരണമെന്നും അദ്ദേഹം പറഞ്ഞിരുന്നു.

No comments