കിംഗ്സ് കപ്പില്‍ ഇന്ത്യയുടെ എതിരാളികള്‍ തീരുമാനമയി
നീണ്ട ഇടവേളയ്ക്ക് ശേഷം ഇന്ത്യന്‍ ഫുട്ബോള്‍ ടീം കളത്തില്‍ ഇറങ്ങുന്ന ടൂര്‍ണമെന്റായ കിങ്സ് കപ്പിലെ ഇന്ത്യയുടെ എതിരാളികള്‍ തീരുമാനമായി. ഇന്ന് തായ്ലാന്റില്‍ നടന്ന നറുക്കിലാണ് ഇന്ത്യ ആര്‍ക്കെതിരെ ആകും കളിക്കുക എന്ന് തീരുമാനമായത്. കുഞ്ഞന്‍ രാജ്യമായ കുറസാവോ ആയിരിക്കും കിംഗ്സ് കപ്പിലെ ഇന്ത്യയുടെ എതിരാളികള്‍. ബുറിറാമില്‍ വെച്ച്‌ നടക്കുന്ന ടൂര്‍ണമെന്റില്‍ നാലു രാജ്യങ്ങളാണ് പങ്കെടുക്കുന്നത്.
ഇന്ത്യ കുറസാവോയെ നേരിടുമ്ബോള്‍ മറ്റിരു മത്സരത്തില്‍ തായ്‌ലാന്റ് വിയറ്റ്നാമിനെ നേരിടും. ഇന്ത്യയുടെ മത്സരം ജൂണ്‍ 5നാണ്. വിയറ്റ്നാം തായ്‌ലാന്റ് മത്സരവും അന്ന് തന്നെ നടക്കും. ഇരു മത്സരത്തികെയും വിജയികള്‍ കിരീടത്തിനായി ഏറ്റുമുട്ടും.
പരാജയപ്പെടുന്നവര്‍ മൂന്നാം സ്ഥാനത്തിനായും കളിക്കും. ഇപ്പോള്‍ ഫിഫാ റാങ്കിംഗില്‍ 82ആം സ്ഥാനത്താണ് കുറസാവോ ഉള്ളത്.
ഏഷ്യന്‍ കപ്പിന് ശേഷം ഇന്ത്യ കളിക്കുന്ന ആദ്യ ടൂര്‍ണമെന്റ് ആകും ഇത്. ഇപ്പോള്‍ പരിശീലകനില്ലാത്ത ഇന്ത്യ പുതിയ പരിശീലകനെ ഉടന്‍ നിയമിക്കും
No comments