വരാണസിയില്‍ മോദിക്കെതിരെ നാമനിര്‍ദേശ പത്രിക സമര്‍പ്പിച്ച മുന്‍ ജവാന് തെരഞ്ഞെടുപ്പ്‌ കമ്മീഷന്റെ നോട്ടീസ്‌
ബിഎസ്‌എഫ്‌ ജവാന്മാര്‍ക്ക്‌ മോശം ഭക്ഷണം നല്‍കിയതിനെ വിമര്‍ശിച്ച്‌ സമൂഹമാധ്യമങ്ങളില്‍ പോസ്‌റ്റിട്ടതിന്റെ പേരില്‍ സൈന്യത്തില്‍ നിന്ന്‌ പുറത്താക്കപ്പെട്ട വ്യക്തിയാണ്‌ തേജ്‌ ബഹാദൂര്‍ യാദവ്‌. വരാണസിയില്‍ എസ്‌പി-ബിഎസ്‌പി സഖ്യത്തിന്റെ സ്ഥാനാര്‍ത്ഥിയായാണ്‌ അദ്ദേഹം നാമനിര്‍ദേശ പത്രിക സമര്‍പ്പിച്ചത്‌.
ആദ്യം സമര്‍പ്പിച്ച പത്രികയില്‍ താന്‍ സൈന്യത്തില്‍ നിന്ന്‌ പുറത്താക്കപ്പെട്ടയാളാണെന്ന്‌ തേജ്‌ ബഹാദൂര്‍ വ്യക്തമാക്കിയിരുന്നു. എന്നാല്‍, രണ്ടാമതും പത്രിക സമര്‍പ്പിച്ചപ്പോള്‍ ഇക്കാര്യം ചേര്‍ത്തിട്ടില്ലെന്നാണ്‌ വിവരം. ഈ വൈരുദ്ധ്യമാണ്‌ ഇപ്പോള്‍ പ്രശ്‌നമായിരിക്കുന്നത്‌. ഇന്ന്‌ തന്നെ വിഷയത്തില്‍ വ്യക്തത വരുത്തണമെന്നാണ്‌ തേജ്‌ ബഹാദൂറിനോട്‌ തെരഞ്ഞെടുപ്പ്‌ കമ്മീഷന്‍ ആവശ്യപ്പെട്ടിരിക്കുന്നത്‌. അതിനുശേഷമേ അദ്ദേഹത്തിന്റെ പത്രിക തള്ളണോ സ്വീകരിക്കണോ എന്ന്‌ തീരുമാനിക്കൂ.
No comments