ചാക്കിട്ടു പിടിത്തത്തെയും കുതിരക്കച്ചവടത്തെയും കൂസാത്ത ഒറ്റയാൻ.. മഹാരാഷ്ട്രയിലെ 'ഇരട്ടച്ചങ്കന് എം.എല്.എ'..
സംസ്ഥാനത്ത നിലവിലെ രാഷ്ട്രീയ സാഹചര്യത്തില് നിക്കോളെയെക്കുറിച്ചുള്ള ചര്ച്ചകളാണ് സോഷ്യല് മീഡിയയില്നിറയുന്നത്.
മഹാരാഷ്ട്രയിലെ 'ഏറ്റവും ദരിദ്രനായ' എം.എല്.എകളില് ഒരാളാണ് വിനോദ് നികോളെ. ജനങ്ങളുടെ പ്രശ്നങ്ങള് ജീവമായി ഇടപെടുന്ന എം.എല്.എക്ക് വന് ജനകീയ പിന്തുണയാണ് മണ്ഡലത്തിലുള്ളത്.
സജീവ രാഷ്ട്രീയ പ്രവര്ത്തകനാവുന്നതിന് മുന്നെ വടപാവ് കച്ചവടക്കാരന് ആയിരുന്നു നികോളെ. മഹാരാഷ്ട്രയെ പിടിച്ചു കുലുക്കിയ 2018ല് നടന്ന കര്ഷകരുടെ ലോങ് മാര്ച്ചിന്റെ മുഖ്യ സംഘാടകരിലൊരാള് കൂടിയായിരുന്നു അദ്ദേഹം.
മഹാരാഷ്ട്രയില് ശിവസേനയുടെ നേതൃത്വത്തിലുള്ള സഖ്യ സര്ക്കാരിനെ പിന്തുണയ്ക്കുമെന്ന് സിപിഎം. സിപിഎമ്മിന്റെ ഏക എംഎല്എ വിനോദ് നിക്കോളെ ശിവസേന-എന്സിപി-കോണ്ഗ്രസ് സഖ്യത്തെ പിന്തുണയ്ക്കുമെന്നാണ് റിപ്പോര്ട്ടുകള്. പാല്ഘര് ജില്ലയിലെ ദഹാനു മണ്ഡലത്തില് നിന്നുള്ള എംഎല്എയാണ് വിനോദ് നിക്കോളെ.
നേരത്തെ, മഹാരാഷ്ട്രയില് റിസോര്ട്ട് നാടകങ്ങള് അരങ്ങേറുമ്ബോള് കാലുമാറില്ലെന്ന് ഉറപ്പുള്ള ഏക എംഎല്എ എന്ന തരത്തില് നിക്കോളെയെക്കുറിച്ച് വാര്ത്തകള് നിറഞ്ഞിരുന്നു.
ഉദ്ദവ് താക്കറെയുടെ സത്യപ്രതിജ്ഞ നാളെ നടക്കും. നാളെ വൈകിട്ട് അഞ്ച് മണിക്ക് ശിവാജി പാര്ക്കിലാണ് ഉദ്ദവിന്റെ സത്യപ്രതിജ്ഞ.
No comments