രാജ്യസഭ..!! അസമില് ബിജെപിയെ പൂട്ടാന് പൂഴിക്കടകനുമായി കോണ്ഗ്രസ്..!! ഹിന്ദി ഹൃദയ ഭൂമിയിൽ അടിവേരിളകിയ ബിജെപിക്ക് വടക്ക് കിഴക്കൻ സംസ്ഥാനങ്ങളിൽ നിന്നും..!!
അസമില് എഐയുഡിഎഫുമായി കൈകോര്ക്കാനുള്ള തിരുമാനം ഇതിന്റെ കൂടി ഭാഗമായിരുന്നു. സഖ്യം രൂപീകരിച്ചതിന് പിന്നാലെ ഏറ്റവും വിജയ സാധ്യതയുള്ള നേതാവിനെ തന്നെ അങ്കത്തിന് ഇറക്കാനുള്ള തിരുമാനത്തിലാണ് ഇരുനേതൃത്വവും.
മഹാരാഷ്ട്ര(7), ഒഡീഷ(4), പശ്ചിമബംഗാള്(5), അസം(3), ബിഹാര്,(5) ഛത്തീസ്ഗഢ്(2), ഹരിയാന(2), ഗുജറാത്ത്(4), ഹിമാചല്പ്രദേശ്(1), ഝാര്ഖണ്ഡ്(2), മധ്യപ്രദേശ്(3), മണിപൂര്(1), രാജസ്ഥാന്(3), മേഘാലയ(1), ആന്ധ്രാപ്രദേശ്(4), തമിഴ്നാട് (2) തെലങ്കാന(2) എന്നീ സീറ്റുകളിലേക്കാണ് ഇപ്പോള് തിരഞ്ഞെടുപ്പ് പ്രഖ്യാപിച്ചിരിക്കുന്നത്.
നിലനില് രാജ്യസഭയില് 82 പേരാണ് ബിജെപി പക്ഷത്തുള്ളത്. കോണ്ഗ്രസ് പക്ഷത്ത് 46 പേരും. ഒഴിവ് വരാനിരിക്കുന്നവയില് 18 സീറ്റുകളും ബിജെപിയുടേതാണ്. 11 എണ്ണം കോണ്ഗ്രസിന്റേതും.
രാജസ്ഥാൻ, മധ്യപ്രദേശ്, ഛത്തീസ്ഗഡ്, മഹാരാഷ്ട്ര, കർണാടക എന്നിവിടങ്ങളിൽ നിന്നായി 8 രാജ്യസഭാ സീറ്റുകൾ വിജയിക്കാമെന്നാണ് കോണ്ഗ്രസ് പ്രതീക്ഷ.
അസമില് മൂന്ന് സീറ്റുകളിലാണ് തിരഞ്ഞെടുപ്പ് നടക്കുക. പൗരത്വ നിയമത്തിന്റെ പേരില് കോണ്ഗ്രസുമായി ഉടക്കി നില്ക്കുന്ന അസം ഗണ പരിഷത്തിനേയും സഖ്യത്തിന്റെ ഭാഗമാക്കാനുള്ള ശ്രമം കോണ്ഗ്രസ് ആലോചിക്കുന്നുണ്ട്.
പ്രതിഷേധത്തിന് മുന് നിരയില് ഉണ്ടായിരുന്ന സാമൂഹിക പ്രവര്ത്തകന് അഖില് ഗൊഗോയിയെ മത്സരിക്കാനാണ് നേതാക്കള് ആലോചിക്കുന്നത്. ഇദ്ദേഹത്തെ കൂടാതെ പത്രപ്രവർത്തകരായ അജിത് ഭൂയാൻ, ആദിപ് ഫുകാൻ, ചലച്ചിത്ര നിർമ്മാതാവ് ജഹ്നു ബറുവ, നടി ബാർഷ റാണി ബിഷോയ, സാദിൻ-പ്രതിദിൻ മീഡിയ ഗ്രൂപ്പിന്റെ ഉടമ ജയന്ത ബറുവ എന്നിവരുടെ പേരുകളും ഉയര്ന്ന് കേള്ക്കുന്നുണ്ട്.
രാഷ്ട്രീയത്തിൽ ചേരണമെന്നതോ തിരഞ്ഞെടുപ്പിൽ മത്സരിക്കണമെന്നതോ തന്റെ ലക്ഷ്യമേ ആയിരുന്നില്ലെന്ന് ബറുവ കഴിഞ്ഞ ദിവസം പ്രതികരിച്ചിരുന്നു. സിഎഎയുടെ കടുത്ത വിമർശകനായിരുന്നു ബറുവ. സിഎഎ വിരുദ്ധ പ്രക്ഷോഭങ്ങളിൽ ബാർഷയും മറ്റുള്ളവരും സജീവമായി പങ്കെടുത്തിരുന്നു.
പൗരത്വ നിയമത്തിനെതിരെ ഏറ്റവും കൂടുതല് പ്രതിഷേധം ഉയര്ന്ന സംസ്ഥാനമാണ് അസം.
അടുത്തിടെ നടന്ന സിഎഎ വിരുദ്ധ പ്രക്ഷോഭങ്ങളിൽ നിർണായക പങ്ക് വഹിച്ച നേതാവിനെയാണ് കോൺഗ്രസും എയുയുഡിഎഫും സ്ഥാനാര്ത്ഥിയായി പരിഗണിക്കുന്നതെന്ന് എയുയുഡിഎഫ് എംഎൽഎ അമിനുൽ ഇസ്ലാം പറഞ്ഞു.
No comments