അന്തര്സംസ്ഥാന തൊഴിലാളികള്ക്കുള്ള രണ്ടാമത്തെ ട്രെയിന് ഇന്ന് ഝാര്ഖണ്ഡിലേക്ക്
അന്തര്സംസ്ഥാന തൊഴിലാളികള്ക്കായി രണ്ടാമത്തെ ട്രെയിന് ശനിയാഴ്ച യാത്ര തിരിക്കും. തിരുവനന്തപുരത്ത് നിന്ന് ഝാര്ഖണ്ഡിലെ ഹാതിയയിലേക്കാണ് ട്രെയിന്. ഉച്ചക്ക് രണ്ട് മണിക്ക് ഈ തീവണ്ടി പുറപ്പെടുമെന്നാണ് റിപ്പോര്ട്ട്. വരും ദിവസങ്ങളില് ഝാര്ഖണ്ഡ്, ഒഡീഷ, അസം തുടങ്ങിയ സംസ്ഥാനങ്ങളിലേക്ക് കൂടുതല് ട്രെയിനുകളുണ്ടാകുമെന്നാണ് റിപ്പോര്ട്ട്.
കേരളത്തില് നിന്ന് എറണാകുളം, തിരുവനന്തപുരം, കോഴിക്കോട് എന്നീ സ്ഥലങ്ങളില് നിന്ന് മാത്രമാവും അന്തര്സംസ്ഥാന തൊഴിലാളികളുമായി ട്രെയിനുകള് യാത്ര തിരിക്കുക. ഓരോ ട്രെയിനിലും 1200 തൊഴിലാളികളെ നാട്ടിലെത്തിക്കാനാണ് പദ്ധതി. ശാരീരിക അകലം പാലിച്ച് കര്ശന സുരക്ഷയോടെയാണ് യാത്ര.
No comments