കോവിഡ് നിയന്ത്രണങ്ങള്‍ തകര്‍ത്ത് തമിഴ്നാട്ടില്‍നിന്ന്​ പാസി​​െന്‍റ മറവില്‍ നൂറുകണക്കിന് ആളുകള്‍ അതിര്‍ത്തി കടന്നെത്തുന്നു

കോവിഡ് നിയന്ത്രണങ്ങള്‍ തകര്‍ത്ത് തമിഴ്നാട്ടില്‍നിന്ന്​ പാസി​​െന്‍റ മറവില്‍ നൂറുകണക്കിന് ആളുകള്‍ അതിര്‍ത്തി കടന്നെത്തുന്നു. കേരളത്തിലെ ഏലത്തോട്ടങ്ങളി​േലക്ക്​ വരാനെന്ന പേരിലാണ്​ ഇടുക്കി ജില്ല ഭരണകൂടത്തില്‍ നിന്ന്​ പാസ്​ സംഘടിപ്പിക്കുന്നത്​. ഏലം ലേലമില്ലാത്ത വ്യാഴാഴ്​ചയിലേക്ക്​ അനുവദിച്ചുകിട്ടിയ പാസുമായി അഞ്ഞൂറോളം ആളുകള്‍ എത്തിയത് റവന്യൂ വകുപ്പില്‍ നടക്കുന്ന കള്ളക്കളിക്ക്​ തെളിവായി.

കലക്ടറേറ്റില്‍നിന്ന്​ അനുവദിക്കുന്ന പാസുമായി എത്തുന്നവരില്‍ ഏലത്തോട്ട ഉടമകള്‍ മുതല്‍ തൊഴിലാളികളും അവരുടെ കുടുംബാംഗങ്ങളും വരെയുണ്ട്. പാസുമായി എത്തുന്നവരെ അതിര്‍ത്തിയില്‍ തടയാന്‍ കഴിയാത്തതിനാല്‍ പരിശോധന കൂടാതെ ഇടുക്കി, കോട്ടയം, പത്തനംതിട്ട ജില്ലകളിലേക്ക് യഥേഷ്​ടം എത്തുന്നു.