സൗദി അറേബ്യയില്‍ രണ്ടാഴ്​ചത്തെ ഇടവേളക്ക്​ ശേഷം കോവിഡ്​ മൂലമുള്ള മരണനിരക്കും നേരിയ തോതില്‍ ഉയര്‍ന്ന്​ തുടങ്ങി

  

സൗദി അറേബ്യയില്‍ രണ്ടാഴ്​ചത്തെ ഇടവേളക്ക്​ ശേഷം കോവിഡ്​ മൂലമുള്ള മരണനിരക്കും നേരിയ തോതില്‍ ഉയര്‍ന്ന്​ തുടങ്ങി. വെള്ളിയാഴ്​ച രാജ്യത്തെ വിവിധയിടങ്ങളിലായി 20 പേരാണ്​ മരിച്ചത്​. 398 പേര്‍ക്ക്​​ പുതുതായി രോഗബാധ സ്ഥിരീകരിച്ചു​. 404 പേര്‍ കോവിഡ്​ മുക്തരായി. ആകെ റിപ്പോര്‍ട്ട്​ ചെയ്​ത 346,880 പോസിറ്റീവ്​ കേസുകളില്‍ 333,409 പേര്‍ രോഗമുക്തി നേടി.

രാജ്യത്തെ കോവിഡ്​ മുക്തി നിരക്ക്​ 96.2 ശതമാനമായി ഉയര്‍ന്നു. ആകെ മരണസംഖ്യ 5383 ആയി. മരണനിരക്ക്​ 1.5 ശതമാനമായി തുടരുന്നു. രോഗബാധിതരായി രാജ്യത്ത്​ ബാക്കിയുള്ളത്​ 8088 പേരാണ്​. അതില്‍ 766 പേരുടെ നില ഗുരുതരമാണ്​. നീണ്ട കാലത്തിന്​ ശേഷം റിയാദില്‍ പുതിയ രോഗികളുടെ എണ്ണത്തിലും വര്‍ധനവുണ്ടായി.