രാജസ്​ഥാന്‍ നഗരസഭാ തെരഞ്ഞെടുപ്പില്‍ കോണ്‍ഗ്രസിന്​ മുന്നേറ്റം

 ജയ്​പൂര്‍: രാജസ്​ഥാന്‍ നഗരസഭാ തെരഞ്ഞെടുപ്പില്‍ കോണ്‍ഗ്രസിന്​ മുന്നേറ്റം. 3035 വാര്‍ഡുകളില്‍ ഒന്നൊഴികെയുള്ളവയിലെ ഫലസൂചന പുറത്തുവന്നപ്പോള്‍ 1197 സീറ്റുകളുമായി കോണ്‍​ഗ്രസ്​ മുന്നിലാണ്​. 1140 സീറ്റുകളുമായി ബി.ജെ.പി തൊട്ടു പിന്നിലുണ്ട്​. സ്വതന്ത്രര്‍ 634 സീറ്റുകളിലും മുന്നിലെത്തി​. എന്‍.സി.പി​ 64 ഉം ഹനുമാന്‍ ബെനിവാലി​ന്‍റെ ആര്‍.എല്‍.പി 13 സീറ്റുകളിലും മുന്നിലാണ്​.

80 നഗരസഭ, ഒന്‍പത്​ നഗരസഭ കൗണ്‍സില്‍, ഒരു മുനിസിപ്പല്‍ കോര്‍പറേഷന്‍ എന്നിവിടങ്ങളിലേക്കായി ഞായറാഴ്​ച നടന്ന വോ​ട്ടെടുപ്പില്‍ പതിനായിരത്തോളം സ്​ഥാനാര്‍ഥികള്‍ മല്‍സരരംഗത്തുണ്ടായിരുന്നു. 22.84 ലക്ഷം വോട്ടര്‍മാരില്‍ 76.52 ശതമാനം പേര്‍ വോട്ട്​ ചെയ്​തു.

രാജസ്ഥാനിലെ മുനിസിപ്പല്‍ ബോഡി തെരഞ്ഞെടുപ്പില്‍ നേരത്തേ കോണ്‍​ഗ്രസ് വിജയിച്ചിരുന്നു.