ഇന്ത്യയില് ജനിക്കുന്നവരെല്ലാം ഹിന്ദുക്കളാണെന്ന ആര്എസ്എസ് മേധാവി മോഹന് ഭഗതിന്റെ അതേ ഭാഷയിലാണ് സിപിഎം കേന്ദ്രകമ്മറ്റി അംഗം എംവി ഗോവിന്ദന് സംസാരിക്കുന്നതെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രന്.
തിരുവനന്തപുരം: ഇന്ത്യയില് ജനിക്കുന്നവരെല്ലാം ഹിന്ദുക്കളാണെന്ന ആര്എസ്എസ് മേധാവി മോഹന് ഭഗതിന്റെ അതേ ഭാഷയിലാണ് സിപിഎം കേന്ദ്രകമ്മറ്റി അംഗം എംവി ഗോവിന്ദന് സംസാരിക്കുന്നതെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രന്. സംഘപരിവാര് ശക്തികള് ഉയര്ത്തുന്ന ഹിന്ദുരാഷ്ട്ര വാദത്തെ പൂര്ണ്ണമായും അംഗീകരിക്കുന്ന നിലപാടാണ് അദ്ദേഹത്തിന്റേതെന്നും മുല്ലപ്പള്ളി കുറ്റപ്പെടുത്തി.
ജനിക്കുമ്ബോള് എല്ലാവരും ഹിന്ദുക്കളാണെന്നാണ് ആര്എസ്എസ് മേധാവി മോഹന് ഭഗത് വാദിക്കുന്നതും പറയുന്നതും. അതേവാദഗതിയാണ് ഇപ്പോള് സിപിഎം നേതൃത്വം ഉയര്ത്തുന്നത്. ഇതിലൂടെ സിപിഎമ്മിന്റെയും ബിജെപിയുടെയും മാനസികാവസ്ഥയും നിലപാടും ഒന്നു തന്നെയെന്ന് കേരളീയ സമൂഹത്തിന് വ്യക്തമായെന്നും മുല്ലപ്പള്ളി പറഞ്ഞു.
No comments