കോവിഡ് രോഗികള് വര്ധിക്കുന്ന സാഹചര്യത്തില് ഖത്തറില് ചില നിയന്ത്രണങ്ങള് പുനസ്ഥാപിക്കാന് മന്ത്രിസഭ തീരുമാനിച്ചു
ദോഹ: കോവിഡ് രോഗികള് വര്ധിക്കുന്ന സാഹചര്യത്തില് ഖത്തറില് ചില നിയന്ത്രണങ്ങള് പുനസ്ഥാപിക്കാന് മന്ത്രിസഭ തീരുമാനിച്ചു. എന്നാല് ഖത്തറിലേക്ക് യാത്രാവിലക്ക് ഇല്ല. നിലവില് ഖത്തറിന്െറ യാത്രാസംബന്ധമായ ചട്ടങ്ങളില് മാറ്റം വരുത്തിയിട്ടില്ല. ഇത്തരത്തിലുള്ള പ്രചാരണം തെറ്റാണെന്നും അധികൃതര് അറിയിച്ചു. നിയന്ത്രണങ്ങള് പുനസ്ഥാപിച്ച തീരുമാനം ഫെബ്രുവരി നാലുമുതല് നിലവില് വരും.
ഓഫിസുകളില് 80 ശതമാനം ജീവനക്കാര് മാത്രമേ ഹാജരാകാന് പാടുള്ളൂ. ബാക്കിയുള്ളവര് വീടുകളിലിരുന്ന് ജോലി ചെയ്യണം. ഓഫിസുകളിലെ യോഗങ്ങളില് 15 പേര് മാത്രമേ ഉണ്ടാകാന് പാടുള്ളൂ. ഇന്ഡോര് പരിപാടികളില് അഞ്ചുപേര് മാത്രമേ ഉണ്ടാകാവൂ.
No comments