പെട്രോളിനും ഗ്യാസിനും വിലകൂടാന് കാരണം താലിബാന് - ബിജെപി എം.എല്.എ..
രാജ്യത്ത് ഇന്ധന വില വര്ധിക്കാന് കാരണം താലിബാനാണെന്ന് ബി.ജെ.പി നേതാവ്. കര്ണാടകയില് നിന്നുള്ള ബി.ജെ.പി എം.എല്.എ അരവിന്ദ് ബെല്ലാദാണ് പുതിയ ന്യായീകരണവുമായി രംഗത്തെത്തിയത്.
''അഫ്ഗാനിലെ താലിബാന് കാരണം ക്രൂഡ് ഓയില് സെെപ്ലയില് കാര്യമായ പ്രശ്നങ്ങളുണ്ടായി. അതുകൊണ്ടുതന്നെ പെട്രോള്, എല്.പി.ജി ഡീസല് വില ഉയര്ന്നു. ഇത്തരം കാര്യങ്ങള് മനസ്സിലാക്കാനുള്ള ശേഷി വോട്ടര്മാര്ക്കുണ്ട്'' -ബെല്ലാദ് പറഞ്ഞു.
കര്ണാടക മുഖ്യമന്ത്രി സ്ഥാനത്തേക്ക് വരെ പരിഗണിക്കപ്പെട്ടിരുന്ന ബി.ജെ.പി നേതാവാണ് ബെല്ലാദ്. ഇന്ത്യയിലേക്ക് ക്രൂഡ് ഓയില് അയക്കുന്ന രാജ്യങ്ങളുടെ പട്ടികയില് അഫ്ഗാനില്ല എന്നിരിക്കേ എം.എല്.എയുടെ ന്യായീകരണം ഏവരെയും അത്ഭുതപ്പെടുത്തിയിട്ടുണ്ട് . ഇറാഖ്, സൗദി അറേബ്യ, യു.എ.ഇ, നൈജീരിയ, യു.എസ്.എ, കാനഡ എന്നീ രാജ്യങ്ങളാണ് ഇന്ത്യക്ക് ക്രൂഡ് ഓയില് കൈമാറുന്നത്.
No comments