ഞങ്ങള് തിരിഞ്ഞ് നിന്ന് ഒന്ന് തുപ്പിയാല് കോൺഗ്രസ് മന്ത്രിസഭ മുഴുവന് തെറിച്ച് പോകും..!! പരാമര്ശത്തിനെതിരെ കിടിലൻ മറുപടിയുമായി ഭൂപേഷ് ബാഗാൻ..
ചത്തീസ്ഗഡില് 'തുപ്പല്' പരാമര്ശത്തില് കൊമ്ബുകോര്ത്ത് കോണ്ഗ്രസും ബി.ജെ.പിയും.
ബി.ജെ.പി ജനറല് സെക്രട്ടറി ഡി. പുരന്തേശ്വരിയുടെ വാക്കുകളാണ് പുതിയ വിവാദങ്ങള്ക്ക് തുടക്കമിട്ടത്.
'നിങ്ങള് പാര്ട്ടി പ്രവര്ത്തകര് ഒരുമിച്ച് 'തുപ്പിയാല്' മുഖ്യമന്ത്രി ഭൂപേഷ് ബാഗലും മന്ത്രിസഭയും ഒഴുകിപ്പോകും' -എന്നായിരുന്നു പുരന്തേശ്വരിയുടെ വാക്കുകള്. വ്യാഴാഴ്ച ബി.ജെ.പിയുടെ മൂന്നുദിവസം നീണ്ടുനിന്ന പരിപാടിയില് പ്രവര്ത്തകരെ അഭിസംബോധന ചെയ്ത് സംസാരിക്കുകയായിരുന്നു അവര്.
എന്നാല് ഈ പരാമര്ശത്തിനെതിരെ മുഖ്യമന്ത്രി അടക്കമുള്ള കോണ്ഗ്രസ് നേതാക്കള് രംഗത്തെത്തുകയായിരുന്നു. ബി.ജെ.പിയിലെത്തിയതോടെ അവരുടെ മാനസികാവസ്ഥ ഈ നിലയിലേക്ക് താഴുമെന്ന് ആരും പ്രതീക്ഷിച്ചില്ലെന്ന് ബാഗല് പറഞ്ഞു. ആരെങ്കിലും ആകാശത്തേക്ക് തുപ്പിയാല് അത് നിങ്ങളുടെ മുഖത്തേക്ക് തന്നെ വീഴുമെന്നും അദ്ദേഹം കൂട്ടിച്ചേര്ത്തു.
'നിങ്ങളുടെ കഠിനാധ്വാനത്തിലൂടെ 2023ല് ബി.ജെ.പിയെ അധികാരത്തിലത്തിക്കാനാകും. എല്ലാവരോടും ഒരു പ്രതിജ്ഞയെടുക്കാന് ആവശ്യപ്പെടുന്നു. നിങ്ങള് പ്രവര്ത്തകര് ഒരുമിച്ച് 'തുപ്പിയാല്' മുഖ്യമന്ത്രി ഭൂപേഷ് ബാഗലും മന്ത്രിസഭയും ഒഴുകിപ്പോകും' -പുരന്തേശ്വരി പറഞ്ഞു.
പുരന്തേശ്വരിയുടെ പരാമര്ശത്തില് താന് എന്താണ് പ്രതികരിക്കേണ്ടതെന്നായിരുന്നു ബാഗലിന്റെ ചോദ്യം. 'ഇത്തരം പ്രസ്താവനകള്ക്കെതിരെ ഞാന് എങ്ങനെ പ്രതികരണം? ബി.ജെ.പിയില് ചേര്ന്നതിന് ശേഷം പുരന്തേശ്വരിയുടെ മാനസികാവസ്ഥ ഈ നിലയില് താഴുമെന്ന് കരുതിയില്ല. കേന്ദ്ര സഹമന്ത്രിയായി ഞങ്ങള്ക്കൊപ്പമുണ്ടായിരുന്നേപ്പാള് അവര്ക്ക് യാതൊരു കുഴപ്പവുമില്ലായിരുന്നു. ആരെങ്കിലും ആകാശത്തേക്ക് നോക്കി തുപ്പിയാല് അത് അവനവന്റെ മുഖത്തേക്ക് തന്നെ തെറിക്കും' -ഭൂപേഷ് ബാഗല് പറഞ്ഞു.
ഛത്തീസ്ഗഡില് ബി.ജെ.പിയുടെ ചുമതലയുള്ള വ്യക്തിയാണ് പുരന്തേശ്വരി. 2023ല് സംസ്ഥാനത്ത് പാര്ട്ടിയെ അധികാരത്തിലെത്തിക്കാനുള്ള പരിശ്രമത്തിലാണ് ബി.ജെ.പി പ്രവര്ത്തകരും നേതാക്കളും.
No comments