ലാലു പ്രസാദ് യാദവിൻ്റെ മകൻ തേജ്പ്രതാപ് യാദവ് കോണ്ഗ്രസിലേക്ക്..??
രാഷ്ട്രീയ ജനതാ ദളിന്റെ (ആര്.ജെ.ഡി) താരപ്രചാരകരുടെ പട്ടികയില് നിന്ന് പുറത്തായ ലാലു പ്രസാദ് യാദവിന്റെ മൂത്ത മകന് തേജ് പ്രതാപ് യാദവ് ഉപതെരഞ്ഞെടുപ്പില് കോണ്ഗ്രസ് സ്ഥാനാര്ഥിക്കായി പ്രാചരണത്തിനിറങ്ങും.
ഒക്ടോബര് 30നാണ് ബിഹാറിലെ താരാപൂര്, കുശേശ്വര് മണ്ഡലങ്ങളിലേക്ക് ഉപതെരഞ്ഞെടുപ്പ് നടക്കുന്നത്. നവംബര് രണ്ടിനാണ് വോട്ടെണ്ണല്.
കുശേശ്വര് മണ്ഡലത്തിലെ കോണ്ഗ്രസ് സ്ഥാനാര്ഥി അതിരേക് കുമാറിന്റെ പിതാവ് അശോക് റാമുമായി തേജ് പ്രതാപ് വ്യാഴാഴ്ച കൂടിക്കാഴ്ച നടത്തിയിരുന്നു. എന്നാല് കോണ്ഗ്രസിനായി പ്രചാരണത്തിനിറങ്ങുന്ന വാര്ത്തകളോട് തേജ് പ്രതാപ് ഔദ്യോഗികമായി പ്രതികരിച്ചിട്ടില്ല.
ഉപതെരഞ്ഞെടുപ്പിനുള്ള ആര്.ജെ.ഡിയുടെ 20 അംഗ താരപ്രചാരകരുടെ പട്ടികയില് ലാലുവിന്റെ മൂത്ത മകള് മിസ ഭാരതിയും തേജ് പ്രതാപും ഉള്പെട്ടിരുന്നില്ല.
പാര്ട്ടി നേതൃത്വത്തില് നിന്ന് തന്റെ സഹോദരങ്ങളെ നിയമസഭ പ്രതിപക്ഷ നേതാവായ തേജസ്വി യാദവ് മാറ്റിനിര്ത്തുന്നതിന്റെ മറ്റൊരു ഉദാഹരണമായി ഇത് കണക്കാക്കപ്പെടുന്നു. ബിഹാര് മുന് മുഖ്യമന്ത്രിയും ലാലുവിന്റെ ഭാര്യയുമായ റാബ്റി ദേവിയും താരപ്രചാരകരുടെ പട്ടികയില് ഇല്ല.
No comments