പ്രകടന പത്രികയില് സൗജന്യ പാചക വാതക സിലിണ്ടറും സര്ക്കാര് ബസുകളില് സൗജന്യ യാത്ര
പ്രകടന പത്രികയില് സൗജന്യ പാചക വാതക സിലിണ്ടറും സര്ക്കാര് ബസുകളില് സൗജന്യ യാത്ര ഉള്പ്പെടുത്തുമെന്നും അവര് പറഞ്ഞു.
ഉത്തര്പ്രദേശിലെ തെരഞ്ഞെടുപ്പ് ചുമതലയുള്ള വ്യക്തിയാണ് പ്രിയങ്ക ഗാന്ധി. നേരത്തേ നിയമസഭ തെരഞ്ഞെടുപ്പില് സ്ത്രീകള്ക്ക് 40ശതമാനം സീറ്റ് നല്കുമെന്ന് പ്രിയങ്ക ഗാന്ധി പ്രഖ്യാപിച്ചിരുന്നു. വോട്ട് ബാങ്കിന്റെ പകുതിയോളം വരുന്ന സ്ത്രീകളെ അധികാരത്തിലെത്തിക്കുകയാണ് ലക്ഷ്യമെന്നും പ്രിയങ്ക അറിയിച്ചിരുന്നു.
'എന്റെ പ്രിയപ്പെട്ട ഉത്തര്പ്രദേശിലെ സഹോദരിമാരെ, നിങ്ങളുടെ എല്ലാ ദിവസവും പോരാട്ടങ്ങള് നിറഞ്ഞതാണ്. ഇത് മനസിലാക്കൂ... കോണ്ഗ്രസ് പാര്ട്ടി സ്ത്രീകള്ക്കായി ഒരു പ്രത്യേക പ്രകടന പത്രിക പുറത്തിറക്കും' -പ്രിയങ്ക ഗാന്ധി ഹിന്ദിയില് ട്വീറ്റ് ചെയ്തു.
'കോണ്ഗ്രസ് സര്ക്കാര് രൂപീകരിച്ചാല് മൂന്ന് പാചക വാതക സിലിണ്ടറുകള് സ്ത്രീകള്ക്ക് വര്ഷം തോറും സൗജന്യമായി നല്കും. സര്ക്കാര് ബസുകളില് സ്ത്രീകള്ക്ക് സൗജന്യ യാത്ര അനുവദിക്കും -പ്രിയങ്ക കൂട്ടിച്ചേര്ത്തു.
അംഗന്വാടി, ആശ പ്രവര്ത്തകര്ക്ക് 10,000 രൂപ ഹോണറേറിയം, റിസര്വേഷന് അടിസ്ഥാനത്തില് ജോലിയില് സ്ത്രീകള്ക്ക് 40 ശതമാനം സംവരണം, വയോധികരായ വിധവകള്ക്ക് 1000 രൂപ പെന്ഷന്, സംസ്ഥാനത്തെ ധീര വനിതകളുടെ പേരില് 75ഓളം നൈപുണ്യ സ്കൂള് തുടങ്ങിയവയാണ് കോണ്ഗ്രസ് വാഗ്ദാനം.
ഉത്തര്പ്രദേശില് അടിത്തറ പടുത്തുയര്ത്തുകയെന്നതാണ് കോണ്ഗ്രസ് നേരിടുന്ന പ്രധാന വെല്ലുവിളി. അതിനാല് തന്നെ സ്ത്രീകളെ രംഗത്തിറക്കുകയാണ് പ്രിയങ്ക ഗാന്ധിയുടെ ലക്ഷ്യവും.
നേരത്തേ 12ാം ക്ലാസ് വിജയിച്ച വിദ്യാര്ഥിനികള്ക്ക് സ്മാര്ട്ടഫോണ് നല്കുമെന്ന് പ്രഖ്യാപിച്ചിരുന്നു. ബിരുദ ധാരികള്ക്ക് ഇലക്ട്രിക് സ്കൂട്ടര് നല്കുമെന്നും കോണ്ഗ്രസ് അറിയിച്ചിരുന്നു.
No comments