കോണ്ഗ്രസില് നടക്കുന്ന സംഘടനാ തെരഞ്ഞെടുപ്പ് അര്ഹിക്കുന്നവരുടെ കൈകളിലേക്ക് പാര്ട്ടിയെ എത്തിക്കുമെന്ന് കെ സുധാകരന് എംപി..!! കോൺഗ്രസിന് വേണ്ടി..
കോണ്ഗ്രസില് നടക്കുന്ന സംഘടനാ തെരഞ്ഞെടുപ്പ് അര്ഹിക്കുന്നവരുടെ കൈകളിലേക്ക് പാര്ട്ടിയെ എത്തിക്കുമെന്നു കെപിസിസി പ്രസിഡന്റ് കെ സുധാകരന് എംപി.
കോണ്ഗ്രസിന്റെ പ്രോജ്വലമായ ചരിത്രം തമസ്കരിക്കുന്നതില് ബിജെപി സര്ക്കാരും സംഘപരിവാര് ശക്തികളും വ്യാപൃതരാണ്. മഹാത്മ ഗാന്ധിയെപ്പോലും അവര് ഇല്ലാതാക്കാന് ശ്രമിക്കുന്നു. പാഠപുസ്തകങ്ങളില് നിന്നും കോളജുകളില് നിന്നും അവര് കോണ്ഗ്രസിന്റെ ചരിത്രം പിഴുതെറിയുകയാണ്.
തെരഞ്ഞെടുപ്പില് മത്സരിച്ച് ജയിച്ചാണ് താന് നേതൃത്വത്തിലെത്തിയത്. അര്ഹിക്കുന്നവര്ക്ക് അവസരങ്ങളുടെ വാതായനം തുറന്നിടുകയാണെന്നും അദ്ദേഹം പറഞ്ഞു. കോണ്ഗ്രസ് അംഗത്വവിതരണം രണ്ടാംഘട്ടത്തിന്റെ പൂവാറില് നടന്ന സംസ്ഥാനതല പരിപാടിയില് പ്രസംഗിക്കുകയായിരുന്നു അദ്ദേഹം. ഇന്ത്യയെ ഏഴര ദശാബ്ദം മുന്നോട്ടുകൊണ്ടുപോയത് കോണ്ഗ്രസ് എന്ന വികാരമാണ്. 1947ല് ഇന്ത്യ സ്വാതന്ത്യം പ്രാപിച്ചപ്പോള് ഈ രാജ്യം വൈകാതെ തകരുമെന്നു പ്രവചിച്ചവരാണ് ഏറെയും. എന്നാല്, കോണ്ഗ്രസ് ആവിഷ്കരിച്ച ജനാധിപത്യ മതേതരത്വ ആശയങ്ങള് ഇന്ത്യന് ജനതയെ കൂട്ടിയോജിപ്പിച്ച് ഇപ്പോള് ലോകത്തിലെ തന്നെ പ്രബലശക്തിയാക്കിയെന്നു സുധാകരന് പറഞ്ഞു.
No comments