കോണ്‍ഗ്രസില്‍ വീണ്ടും കലാപം..!! പുനസംഘടന നിറുത്തിവയ‌്‌ക്കണമെന്ന് ഹൈക്കമാന്‍ഡ്..!! അതൃപ്തി ആര്‍ക്കെന്ന് വ്യക്തമാക്കണമെന്ന് കെ സുധാകരന്..
സംസ്ഥാന കോണ്‍ഗ്രസില്‍ വീണ്ടും അസ്വാരസ്യം ശക്തമാകുന്നു. കോണ്‍ഗ്രസ് പുനസംഘടനയുമായി ബന്ധപ്പെട്ട നടപടികളില്‍ അപാകതയുണ്ടെന്ന് കാണിച്ച്‌ എംപിമാര്‍ നല്‍കിയ പരാതിയുടെ അടിസ്ഥാനത്തില്‍ പുനസംഘടന നിറുത്തിവയ‌്ക്കാന്‍ ജനറല്‍ സെക്രട്ടറി താരിഖ് അന്‍വര്‍ നിര്ദേശം നല്‍കി.
എംപിമാരുടെ പരാതികള്‍ കിട്ടിയിട്ടുണ്ടെന്നും അടിയന്തരമായി പുനസംഘടന നിറുത്തി വയ്‌ക്കണമെന്നുമാണ് താരിഖ് അന്‍വര്‍ കെപിസിസി നേതൃത്വത്തിന് നിര്ദേശം നല്‍കിയിരിക്കുന്നത്.
എന്നാല്‍ ഇക്കാര്യത്തില്‍ കെപിസിസി അദ്ധ്യക്ഷന്‍ കെ. സുധാകരന് കടുത്ത അതൃപ്‌തിയുണ്ടെന്നാണ് സൂചന. പുനസംഘടനയില്‍ ആര്‍ക്കാണ് അതൃപ്‌തിയുള്ളതെന്ന് വ്യക്തമാക്കണമെന്ന് കാണിച്ച്‌ സുധാകരന് ഹൈക്കമാന്‍ഡിന് പരാതി നല്‍കിയിട്ടുണ്ടെന്നാണ് വിവരം.
എല്ലാവിഭാഗം ആളുകളുമായും ചര്‍ച്ച നടത്തിക്കഴിഞ്ഞതാണ്. അതുകൊണ്ടുതന്നെ പരാതിക്ക് പിന്നില്‍ മറ്റെന്തെങ്കിലും ഉദ്ദേശമുണ്ടോയെന്ന് പരിശോധിക്കണമെന്നും സുധാകരന് ഹൈക്കമാന്‍ഡിനോട് ആവശ്യപ്പെട്ടിട്ടുണ്ട്. കേരളത്തിലെ കോണ്‍ഗ്രസ് നേതൃത്വത്തില്‍ പുതിയ ചേരികള്‍ രൂപപ്പെട്ടിട്ടുണ്ടോ എന്ന സംശയത്തിന് ഈ പശ്ചാത്തലം ബലമേകുന്നുണ്ട്. ഡിസിസി പുനസംഘടനയുമായി ബന്ധപ്പെട്ട് സുധാകരന്-ചെന്നിത്തല, വിഡി സതീശന്‍- കെസി വേണുഗാപാല്‍ എന്നിങ്ങനെ രണ്ട് അച്ചുതണ്ടുകള്‍ സംസ്ഥാനത്ത് രൂപപ്പെട്ടിട്ടുണ്ടെന്ന് അണികളും വിശ്വസിക്കുന്നു.
No comments