ഇന്ത്യയ്ക്ക് അഭിമാനിക്കാം, യു.എ.ഇ കോടതികളില്‍ ഹിന്ദി ഇനി ഒൗദ്യോഗിക ഭാഷ
അബുദാബി: പ്രവാസികള്‍ക്ക് ഇനി അഭിമാനിക്കാം, യു.എ.ഇ കോടതികളില്‍ ഹിന്ദി ഔദ്യോഗിക ഭാഷയായി അംഗീകരിച്ചു. പ്രവാസികളോടുള്ള അംഗീകാരമായിട്ടാണ് യു.എ.ഇയുടെ പുതിയ തീരുമാനം. ഇംഗ്ലീഷിനും അറബിക്കും പിന്നാലെ ഹിന്ദിയെ മൂന്നാം ഔദ്യോഗിക ഭാഷയായാണ് ഉള്‍പ്പെടുത്തിയിട്ടുള്ളത്.
യു.എ.ഇയില്‍ ജനസംഖ്യയുടെ 30 ശതമാനത്തോളം ഇന്ത്യക്കാരാണ്. മാത്രമല്ല അവിടെ ഏറ്റവും അധികം വിദേശികള്‍ ഉള്ള രാജ്യവും ഇന്ത്യയാണ്. അതുകൊണ്ടാണ് ഹിന്ദി ഔദ്യോഗിക ഭാഷയായി അംഗീകരിച്ചത്. തൊഴില്‍ വ്യവഹാരങ്ങളില്‍ നിയമപരമായി സുതാര്യത വരുത്താനാണ് ഹിന്ദി ഉള്‍പ്പെടുത്താനുള്ള നിര്‍ണായക തീരുമാനമെടുത്തതെന്ന് അബുദാബി നീതിന്യായ വിഭാഗം അറിയിച്ചു.
പരിഗണിക്കുന്ന കേസുകളില്‍ ഇംഗ്ലീഷിനും അറബിക്കും പുറമെ ഹിന്ദിയില്‍ നല്‍കുന്ന രേഖകളും മൊഴികളും പരിഗണിക്കും. മാത്രമല്ല ഇതിന്റെ രജിസ്ട്രേഷന്‍ സംബന്ധിച്ച നടപടിയെ കുറിച്ചുള്ള വിവരങ്ങളും ഹിന്ദിയില്‍ അബുദാബി നീതിന്യായ വിഭാഗം വെബ്സൈറ്റില്‍ ലഭ്യമാക്കും. ഇന്ത്യയില്‍ നിന്നുള്ള പ്രവാസികള്‍ക്ക് ഗുണകരമാവുന്ന തീരുമാനമാണ് ഇതെന്ന് വിലയിരുത്തുന്നു.
No comments