പൊതു തെരഞ്ഞെടുപ്പ്: പ്രതിപക്ഷപാര്‍ട്ടികള്‍ക്ക് ഭൂരിപക്ഷം ലഭിക്കുമെന്ന് കരുതുന്നില്ല; ഡെറിക് ഒബ്രയാൻ
കൊല്‍ക്കത്ത: ലോക്‌സഭ തെരഞ്ഞെടുപ്പില്‍ പ്രതിപക്ഷപാര്‍ട്ടികള്‍ക്ക് ഭൂരിപക്ഷം ലഭിക്കുമെന്ന് കരുതുന്നില്ലെന്ന് തൃണമൂല്‍ കോണ്‍ഗ്രസ് നേതാവ് ഡെറിക് ഒബ്രയാന്‍. എന്നാല്‍ ബി.ജെ.പി. നേതൃത്വം നല്‍കുന്ന എന്‍.ഡി.എ. മുന്നണിക്ക് 150 മുതല്‍ 160 വരെ സീറ്റുകള്‍ മാത്രമേ ലഭിക്കുകയുളളുവെന്നും ഡെറിക് ഒബ്രയാന്‍ പറഞ്ഞു.
'340 സീറ്റുകള്‍ തങ്ങള്‍ക്ക് ലഭിക്കുമെന്ന് ബി.ജെ.പി.പറയുന്നു, എന്നാല്‍ ഇതൊന്നും സാധ്യമല്ല. ഭൂരിപക്ഷം ലഭിക്കുന്നതിന് ആവശ്യമായ 272 സീറ്റുകള്‍ പ്രതിപക്ഷ പാര്‍ട്ടികള്‍ക്ക് ലഭിക്കില്ല. എന്നാല്‍ അവര്‍ ഇപ്പോള്‍ മികച്ച മുന്നേറ്റമാണ് കാഴ്ചവെയ്ക്കുന്നത്' ഡെറിക് ഒബ്രയാന്‍ പറഞ്ഞു.
പ്രതിപക്ഷ പാര്‍ട്ടികള്‍ക്കിടയിലുളള സമാനതകള്‍ മനസിലാക്കികൊണ്ട് എല്ലാവരും മുന്നോട്ട് പോകണമെന്നും കൂടുതല്‍ സീറ്റുകള്‍ നേടാന്‍ സഹായകമായ വിഷയങ്ങള്‍ പാര്‍ട്ടികള്‍ ഏറ്റെടുക്കണമെന്നും ഡെറിക് ഒബ്രയിന്‍ പറഞ്ഞു.
No comments