തൃണമൂലില് ഇനി 'കോണ്ഗ്രസ്' ഇല്ല, പുതിയ ലോഗോയുമായി മമത
കൊല്ക്കത്ത: കോണ്ഗ്രസുമായി തെറ്റിപ്പിരിഞ്ഞ് 21 വര്ഷങ്ങള്ക്ക് ശേഷം പാര്ട്ടിയുടെ ചിഹ്നത്തില് നിന്നും കോണ്ഗ്രസിന്റെ പേര് ഒഴിവാക്കി മമത ബാനര്ജിയുടെ തൃണമൂല് പാര്ട്ടി. പുതിയ ലോഗോ പുറത്തിറക്കിയപ്പോള് ചിഹ്നത്തിനൊപ്പം തൃണമൂല് എന്ന് മാത്രമായിരുന്നു ഉണ്ടായിരുന്നത്.
'ജോറാ ഘാസ് ഫൂല്' എന്ന പേരില് അറിയപ്പെടുന്ന മൂന്ന് ഇതളുകളുള്ള രണ്ട് പൂക്കളാണ് തൃണമൂലിന്റെ ചിഹ്നം. ഇതിന് താഴെയായി ഇത്രയും കാലം തൃണമൂല് കോണ്ഗ്രസ് എന്ന് എഴുതിയിരുന്നിടത്താണ് ഇപ്പോള് തൃണമൂല് എന്ന് മാത്രമാക്കിയത്. ബാനറുകള്, പോസ്റ്ററുകള് തുടങ്ങി പാര്ട്ടിയുമായി ബന്ധപ്പെട്ട എല്ലായിടത്ത് നിന്നും കോണ്ഗ്രസിന്റെ പേര് ഒഴിവാക്കിയിരിക്കുകയാണ് മമത.
പാര്ട്ടിയുടെ ഔദ്യോഗിക ഫേസ്ബുക്ക്, ട്വിറ്റര് പേജുകള്, മമതാ ബാനര്ജി, അഭിഷേക് ബാനര്ജി തുടങ്ങി നേതാക്കന്മാരുടെ സമൂഹമാദ്ധ്യമങ്ങളുടെ പേജുകളില് നിന്നെല്ലാം പഴയതിന് പകരം പുതിയ ലോഗോ ആക്കുകയും ചെയ്തു. ഇത്രയൊക്കെ മാറ്റങ്ങള് വന്നിട്ടുണ്ടെങ്കിലും തിരഞ്ഞെടുപ്പ് കമ്മീഷന്റെ രേഖകളില് പാര്ട്ടിയുടെ ഔദ്യോഗിക നാമം തൃണമൂല് കോണ്ഗ്രസ് എന്ന് തന്നെയായിരിക്കും.
No comments