15 ലക്ഷം സ്വന്തം അണ്ണാക്കിലേക്ക് തള്ളിയ സുരേഷ് ഗോപിജിക്ക് അഭിനന്ദനങ്ങള്‍'; പരിഹസിച്ച്‌ ബല്‍റാം
സുരേഷ് ഗോപിയുടെ ആഡംബര വാഹനത്തിന് കേരളത്തില്‍ പതിനഞ്ച് ലക്ഷം രൂപ അടക്കേണ്ടിടത്ത് പോണ്ടിച്ചേരിയില്‍ ഒന്നരലക്ഷം രൂപ മാത്രം നികുതി അടച്ച്‌ വാഹനം രജിസറ്റര്‍ ചെയ്തിരുന്നു. ഈ പതിനഞ്ച് ലക്ഷത്തെ സൂചിപ്പിച്ചാണ് വി.ടി യുടെ പരിഹാസം.
മുന്‍പ് സുരേഷ് ഗോപി പൊതു പരിപാടിയില്‍ വെച്ച്‌ മോദി അണ്ണാക്കിലേക്ക് പതിനഞ്ച് ലക്ഷം തള്ളി തരുമോ എന്ന് കരുതിയോ എന്ന പ്രസംഗം ഏറെ വിവാദമായിരുന്നു.
അന്നത്തെ പ്രസംഗത്തിന് സമാനമായ മറുപടിയായിരിക്കാം വി.ടി ബല്‍റാമിന്റെ പോസ്റ്റ്.
പതിനഞ്ച് ലക്ഷം ഇപ്പോള്‍ വരും. പുച്ഛമാണ് തോന്നുന്നത്. ഹിന്ദി നീ അറിയേണ്ട, ഇംഗ്ലീഷ് നീ അറിയേണ്ട, ഇഗ്ലീഷ് അറിയാത്തവരും ഇവിടെയില്ലായെന്ന് നീ അവകാശപ്പെടരുത്. ഹിന്ദി അറിയാത്തവരാണ് ഇവിടെയുള്ളതെന്നും നീ അവകാശപ്പെടരുത്. അറിയില്ലെങ്കില്‍ അറിയുന്നവരോട് ചോദിച്ച്‌ മനസ്സിലാക്കണം. എന്താണ് പ്രധാനമന്ത്രി പറഞ്ഞത്. ഇന്ത്യക്ക് പുറത്തുള്ള കള്ളപ്പണ സംഭരണ കേന്ദ്രങ്ങള്‍. സ്വിസ് ബാങ്ക് അടക്കമുള്ളവര്‍ക്ക് നിയമാവലിയുണ്ട്. ഇന്ത്യന്‍ നിയമാവലിയുമായി പോയി ചോദ്യം ചെയ്യാന്‍ കഴിയില്ല. അവിടെ പത്തൊന്‍പത് വര്‍ഷമായി എന്ന് പറയുമ്ബോള്‍ ഏതൊക്കെ മഹാന്മാരാണ്, റോസാപ്പൂ വച്ച മഹാനടക്കം വരും ആ പട്ടികയില്‍. അവിടെ കൂമ്ബാരം കൂട്ടിയിട്ട പണം കൊണ്ടു വന്നാല്‍ ഇന്ത്യന്‍ പൗരന്മാര്‍ക്ക് ഓരോരുത്തര്‍ക്കും പതിനഞ്ച് ലക്ഷം വച്ച്‌ പങ്ക് വെക്കാനുള്ള പണമുണ്ടത് എന്ന് പറഞ്ഞതിനെ മോദി ഇപ്പോള്‍ തന്നെ ആ കറവ പശുവിന്റെ മുതികില്‍ തണുത്ത വെള്ളം ഒഴിച്ച്‌ കറന്ന് ഒഴുക്കി അങ്ങ് അണ്ണാക്കിലേക്ക് തള്ളി തരുമെന്നാണോ അതിന്റെ അര്‍ത്ഥം. ഊളയെ ഊളയെന്നെ വിളിക്കാന്‍ കഴിയൂ എന്നായിരുന്നു സുരേഷ് ഗോപിയുടെ പ്രസംഗം.
പത്തനംതിട്ട സ്ഥാനാര്‍ഥി കെ.സുരേന്ദ്രനെ വേദിയിലിരുത്തിയായിരുന്നു സുരേഷ് ഗോപിയുടെ പ്രസംഗം. സ്വിസ് ബാങ്കില്‍ കൂമ്ബാരം കൂട്ടിയ പണം കൊണ്ടുവന്നാല്‍. ഇന്ത്യന്‍ പൗരന്മാര്‍ക്ക് ഓരോരുത്തര്‍ക്കും 15 ലക്ഷം വച്ചു പങ്കുവക്കാനുള്ള പണമുണ്ടെന്നാണു മോദി പറഞ്ഞത്. അല്ലാതെ മോദി ഇപ്പോള്‍ തന്നെ ഈ കറവ പശുവിന്റെ മുതുകില്‍ തണുത്തവെള്ളം ഒഴിച്ചു കറന്ന് ഒഴുക്കി അങ്ങ് അണ്ണാക്കിലേക്ക് തള്ളി തരുമെന്നാണോ അതിന്‍റ അര്‍ത്ഥമെന്നും സുരേഷ് ഗോപി ചോദിച്ചിരുന്നു.
No comments