ആലത്തൂരിൽ ഒരു ബൂത്തില് ഒരു വോട്ടു പോലും നേടാനാകാതെ പികെ ബിജു, സ്വതന്ത്ര സ്ഥാനാര്ത്ഥിയ്ക്ക് കിട്ടിയത് 2 വോട്ട്..
മണ്ഡലത്തിലെ 55 പഞ്ചായത്തുകളിലും മൂന്ന് നഗരസഭയിലും രമ്യ ഹരിദാസ് ആണ് ലീഡ് നേടിയത്. ഒരു പഞ്ചായത്തില് മാത്രമാണ് ബിജുവിന് ലീഡ് നേടാനായത്.
മണ്ഡലത്തിലെ ഒരു ബൂത്തില് പികെ ബിജുവിന് ഒരു വോട്ടും നേടാനായില്ല. നെല്ലിയാമ്ബതി പഞ്ചായത്തിലെ 138ാം ബൂത്തിലാണ് ബിജുവിന് വോട്ടൊന്നുമില്ലാത്തത്. രമ്യ ഹരിദാസിന് 32 വോട്ടാണ് ഈ ബൂത്തില് ലഭിച്ചത്.
സ്വതന്ത്ര സ്ഥാനാര്ത്ഥിയായ കൃഷ്ണന്കുട്ടി കുനിശേരിക്ക് 2 വോട്ടാണ് ഈ ബൂത്തില് നിന്ന് ലഭിച്ചത്. ഇടതുപക്ഷം ഭരിക്കുന്ന പഞ്ചായത്താണ് നെല്ലിയാമ്ബതി.
കോട്ടകളായ പാലക്കാടും ആലത്തൂരും കൈവിട്ടതിനെ കുറിച്ച് പഠിക്കുന്നതിന് വേണ്ടി പ്രത്യേക സമിതിയെ നിയോഗിക്കുവാന് ഒരുങ്ങുകയാണ് സിപിഐഎം.
No comments