മോദിക്കെതിരായ രാഹുലിന്റെ പരാമര്ശം, ലോക്സഭയില് ബി.ജെ.പി - കോണ്ഗ്രസ് കൈയാങ്കളി
യുവാക്കള് മോദിയെ വടിയെടുത്ത് അടിക്കുമെന്ന് ഡല്ഹി നിയമസഭാ തിരഞ്ഞെടുപ്പ് പ്രചാരണ റാലിക്കിടെ കോണ്ഗ്രസ് മുന് അദ്ധ്യക്ഷന് രാഹുല് ഗാന്ധി നടത്തിയ പരാമര്ശത്തെച്ചൊല്ലി ലോക്സഭയില് കോണ്ഗ്രസ് -ബി.ജെ.പി എം.പിമാരുടെ ബഹളം കൈയ്യാങ്കളിയിലെത്തി. ഇരുവിഭാഗവും പരസ്പരം പോരടിച്ചതോടെ രണ്ടുതവണ നിറുത്തിവച്ച സഭ തിങ്കളാഴ്ചത്തേക്ക് പിരിഞ്ഞു. സംഭവത്തില് കോണ്ഗ്രസും ബി.ജെ.പിയും സ്പീക്കര്ക്ക് പരാതി നല്കി.
ചോദ്യോത്തരവേളയിലായിരുന്നു ബഹളം. വയനാട്ടില് ഉള്പ്പെടെ പുതിയ മെഡിക്കല് കോളേജുകള് സ്ഥാപിക്കുന്നതുമായി ബന്ധപ്പെട്ട രാഹുല്ഗാന്ധിയുടെ ചോദ്യത്തിന് മറുപടി പറയാന് എഴുന്നേറ്റ ആരോഗ്യമന്ത്രി ഹര്ഷവര്ദ്ധന്,
പ്രധാനമന്ത്രിക്കെതിരായ പരാമര്ശത്തെക്കുറിച്ചാണ് സംസാരിച്ചത്.
തുടര്ന്ന് കോണ്ഗ്രസ് സഭാനേതാവ് അധീര് രഞ്ജന് ചൗധരി, കൊടിക്കുന്നില് സുരേഷ്, എന്.കെ.പ്രേമചന്ദ്രന്, ഗൗരവ് ഗൊഗോയ്, കെ.മുരളീധരന്, ബെന്നി ബെഹനാന്, ആന്റോ ആന്റണി, വി.കെ.ശ്രീകണ്ഠന് തുടങ്ങിവര് പ്രതിഷേധവുമായി നടുത്തളത്തിലിറങ്ങി. ഒരു മണിക്ക് സഭ വീണ്ടും ചേര്ന്നപ്പോള് , മാപ്പുപറയണമെന്ന് ആവശ്യപ്പെട്ട് ഇരുപക്ഷവും ബഹളം തുടങ്ങിയതോടെ രണ്ടു മണി വരെ നിറുത്തിവച്ചു. ബഹളം തുടര്ന്നതോടെ സഭ തിങ്കളാഴ്ചത്തേയ്ക്കു പിരിഞ്ഞു.
No comments