മര്യാദയ്ക്ക് പെരുമാറിക്കോളണം എന്ന ഭീഷണി, മുഖം മോശമായതിനു കണ്ണാടി തകര്ക്കുന്ന നിലപാടാണ് കേന്ദ്രത്തിന്റേത്: മാദ്ധ്യമ വിലക്കിനെതിരെ ആഞ്ഞടിച്ച് മുഖ്യമന്ത്രി
ഡല്ഹി കലാപം റിപ്പോര്ട്ട് ചെയ്തതുമായി ബന്ധപ്പെട്ട് ഏഷ്യാനെറ്റ്, മീഡിയവണ് ചാനലുകള്ക്ക് കേന്ദ്ര വാര്ത്താ വിതരണ പ്രക്ഷേപണ മന്ത്രാലയം വിലക്കേര്പ്പെടുത്തിയ നടപടിക്കെതിരെ രൂക്ഷവിമര്ശനവുമായി മുഖ്യമന്ത്രി പിണറായി വിജയന്. മുഖം മോശമായതിനു കണ്ണാടി തകര്ക്കുന്ന നിലപാടാണ് കേന്ദ്രത്തിന്റേതെന്ന് മുഖ്യമന്ത്രി ഫേസ്ബുക്ക് കുറിപ്പിലൂടെ വിമര്ശിച്ചു.
രാജ്യത്ത് അപ്രഖ്യാപിതമായ ഒരു അടിയന്തരാവസ്ഥ ഇന്ത്യയില് നിലനില്ക്കുന്നുണ്ടെന്ന് മുഖ്യമന്ത്രി കുറിപ്പില് പറയുന്നു. ഭയപ്പെടുത്തി ചൊല്പ്പടിക്കു നിര്ത്തുക എന്ന തന്ത്രമാണ് വിലക്കിന് പിന്നിലെന്നും,രാജ്യത്ത് എന്ത് സംഭവിക്കുന്നു എന്ന് അറിയാനുള്ള അവകാശം ജനങ്ങള്ക്കും, റിപ്പോര്ട്ട് ചെയ്യാനുള്ള അവകാശവും ചുമതലയും മാദ്ധ്യമങ്ങള്ക്കുമുണ്ടെന്ന് അദ്ദേഹം വ്യക്തമാക്കി.
No comments