കോവിഡ്: വിദ്വേഷ പരാമര്ശത്തിനെതിരായ നിലപാടില് യെദിയൂരപ്പയെ പിന്തുണച്ച് കുമാരസ്വാമി
കോവിഡ് പ്രതിസന്ധിക്കിടെ സംസ്ഥാനത്ത് ഉയരുന്ന വര്ഗീയ പരാമര്ശങ്ങള്ക്കെതിരെ കര്ണാടക മുഖ്യമന്ത്രി ബി.എസ്. യെദിയൂരപ്പ കൈക്കൊണ്ട നിലപാടിനെ പ്രകീര്ത്തിച്ച് മുന് കര്ണാടക മുഖ്യമന്ത്രിയും ജെ.ഡി.എസ് നേതാവുമായ എച്ച്.ഡി കുമാരസ്വാമി.
കര്ണാടകയിലെ ടെലിവിഷന് ചാനലായ ടി.വി.9ന് നല്കിയ അഭിമുഖത്തില് നിസാമുദ്ദീനിലെ തബ്ലീഗ് സമ്മേളനവുമായി ബന്ധപ്പെട്ട് കോവിഡ് വിഷയത്തില് മുസ്ലിം സമുദായത്തിനെതിരെ ഉയരുന്ന ആരോപണങ്ങളെ യെദിയൂരപ്പ തള്ളിപ്പറഞ്ഞിരുന്നു. കോവിഡിനെതിരെയുള്ള പോരാട്ടത്തില് മുസ്ലിം സമുദായം പിന്തുണ നല്കുന്നുണ്ടെന്നും ആരും അവര്ക്കെതിരായി സംസാരിക്കരുതെന്നുമായിരുന്നു അദ്ദേഹം അഭിപ്രായപ്പെട്ടത്.
No comments