വിമര്ശനങ്ങള്ക്ക് മറുപടി; ജനങ്ങളുടെ അക്കൗണ്ടുകളില് പണമെത്തിച്ചെന്ന് ധനമന്ത്രി
ജനങ്ങളുടെ കൈകളിലേക്ക് പണമെത്തിക്കുന്നില്ലെന്ന പ്രതിപക്ഷ വിമര്ശനങ്ങള്ക്ക് മറുപടിയുമായി ധനമന്ത്രി നിര്മലാ സീതാരാമന്. സാമ്ബത്തിക പാക്കേജ് പ്രഖ്യാപനത്തിനായി അഞ്ചാമത്തെ വാര്ത്താ സമ്മേളനത്തിലാണ് ധനമന്ത്രിയുടെ പ്രസ്താവന. 20 കോടി സ്ത്രീകള്ക്ക് ജന്ധന് അക്കൗണ്ടുകളിലൂടെ പണം നല്കി. 6.81 കോടി എല്.പി.ജി സിലണ്ടറുകള് സൗജന്യമായി വിതരണം ചെയ്തുവെന്നും ധനമന്ത്രി പറഞ്ഞു. അന്തര് സംസ്ഥാന തൊഴിലാളികളെ നാട്ടിലെത്തിക്കുന്നതിനുള്ള ചെലവിന്െറ 85 ശതമാനം കേന്ദ്രസര്ക്കാര് വഹിച്ചുവെന്നും അവര് അവകാശപ്പെട്ടു.
8.19 കോടി കര്ഷകരുടെ അക്കൗണ്ടുകളിലേക്ക് പണമെത്തിക്കാന് സാധിച്ചു. ജനങ്ങള്ക്ക് ലോക്ഡൗണ് കാലത്ത് ധാന്യമെത്തിക്കുന്നതില് എഫ്.സി.ഐയും സംസ്ഥാനങ്ങളും വലിയ പങ്കുവഹിച്ചുവെന്നും അവര് വ്യക്തമാക്കി.
No comments